बिहीबार १० असोज, २०८१ | Thursday Sep 26, 2024
काठमाडौं । रमेश कर्पले ट्राभल एजेन्सी बोन्जोय ट्राभल प्रालिसँग समझदारी पत्र (एमओयू) मा हस्ताक्षर गरेको छ ।
उक्त समझदारीपत्र –(एमओयू) को मुख्य उद्देश्य रमेश कर्पका हितग्राहीहरुको यात्रा अनुभवलाई सतर्कतापूर्वक सुधार गर्ने र अझ बढी उन्नत बनाउने हो । यो रणनीतिक साझेदारी विशेष गरी निर्बाध यात्रा र सर्वोत्कृष्ट यात्रा–सम्बन्धित सेवाहरू प्रदान गर्ने उद्देश्यले डिजाइन गरिएको कम्पनीले जनाएको छ ।
झण्झट–मुक्त टिकटिङ सुबिधाहरु, निपूर्ण भिसा सहायता, विचारपूर्वक बनाईएको टूर प्याकेजहरू, र सुविधाजनक होटल बुकिङहरूदेखि सजिलो यातायात साधन, छिटो प्राथमिकता चेक–इन सेवा र व्यक्तिगत बैठक र अभिवादन सेवाहरूसम्म रहेका छन् ।
यस सम्बन्धमा रमेश कर्पका कार्यकारी निर्देशक सञ्जय अग्रवाल भन्छन्, ‘हाम्रा हितग्राहीहरूलाई अनुपम सेवाहरू प्रदान गर्ने हाम्रो प्रतिबद्धतामा, हामी बोन्जोय ट्राभल प्रालिसँग हात मिलाउन पाउँदा हर्षित छौं । यो रणनीतिक साझेदारीले हाम्रा कर्मचारी र ग्राहकहरूको यात्राको अनुभवलाई सरल र उत्साहजनक बनाउने हाम्रो दृष्टिकोणसँग मेल खान्छ । ट्राभल उद्योगमा बोन्जोय ट्राभलको विशेषज्ञताले उनीहरूलाई हाम्रा लागि एक आदर्श साझेदार बनाउँछ ।
‘यो साझेदारीले उत्कृष्टताको लागि साझा प्रतिबद्धताका साथ दुई औद्योगिक अगुवाहरूको संघलाई जनाउँछ । रमेश कर्प र बोन्जोय ट्राभल एक फलदायी सहयोगको लागि तत्पर छ, जसले निःसन्देह संलग्न सबै हितग्राहीहरूको समग्र यात्रा अनुभवलाई उत्कृष्ट बनाउनेछ ।’, कम्पनीले प्रकाशित गरेको विज्ञप्तिमा उल्लेख छ ।
