मङ्गलबार २० कात्तिक, २०८१ | Tuesday Nov 05, 2024
काठमाडौं । शेयर बजार लगातार बढिरहेको छ । बजारमा उछाल आएसँगै आज नेप्से २१ सय अंक पार भएको छ भने करीब ६ अर्बको कारोबार भएको छ ।
नेपाल स्टक एक्सचेञ्ज लिमिटेड (नेप्से) का अनुसार बजार ४५.९८ अंकले बढेको हो । २.२३ प्रतिशतले बजार उचालिंदा नेप्से २१०६.४८ अंकमा पुगेको छ ।
आज ३१३ कम्पनीका १ करोड ६४ लाख ५७ हजार १ सय ३८ कित्ता शेयर किनबेच हुँदा ५ अर्ब ९८ करोड ४६ लाख ९९ हजार १ सय ७५.७३ रुपियाँ बराबरको कारोबार भएको हो ।
आज विभिन्न ९ वटा कम्पनीको शेयर मूल्य १०–१० प्रतिशतले बढ्यो भने अरु ७ कम्पनीका लगानीकर्ताले ९ प्रतिशत बढी नाफा कमाए ।
त्यस्तै सिद्धार्थ इन्भेष्टमेन्ट ग्रोथ स्कीम २ का लगानीकर्ताहरुले सबैभन्दा बढी ७.२७ प्रतिशतले घाटा व्यहोरे ।
आज १५ प्रतिशत लाभांश घोषणा गरेको शिवम् सिमेन्टको उच्च कारोबार भयो । उक्त कम्पनीको ३७ करोड ४३ लाख ४८ हजार २ सय २.५० रुपियाँ बराबरको शेयर किनबेच भएको नेप्सेले जनाएको छ ।
साताको पहिलो दिन आइतबार २७.७५ अंकले बजार बढ्दा ५ अर्ब १५ करोड ७८ लाख ४६ हजार ९ सय ७९.०५ रुपियाँ र हिजो सोमबार ३८.१४ अंकले बजार उचालिंदा ६ अर्ब ८६ करोड ८१ लख ७७ हजार ५ सय ६५।८३ रुपियाँ बराबरको कारोबार भएको थियो ।
