मङ्गलबार २० कात्तिक, २०८१ | Tuesday Nov 05, 2024
काठमाडौं । शेयर बजार उच्च अंकले घटेको छ । बजार ओरालो लाग्न थालेपछि शेयर बेच्नेहरु बढेका छन् ।
नेपाल स्टक एक्सचेञ्ज लिमिटेड (नेप्से) का अनुसार आज बजार २६.३६ अंकले घटेको हो । १.२८ प्रतिशतले बजार घट्दा नेप्से परिसूचक २०२२.९२ अंकमा पुगेको छ ।
आज ३०४ कम्पनीका १ करोड ५२ लाख ६८ हजार ३ सय ९९ कित्ता शेयर किनबेच हुँदा ५ अर्ब २४ करोड १४ लाख ८ हजार ३ सय ७९.८५ रुपियाँ बराबरको कारोबार भएको हो ।
समग्रमा बजार घटे पनि विभिन्न ८ कम्पनीका लगानीकर्ताहरुले ९ प्रतिशत बढी नाफा कमाएका छन् ।
तेह्रथुम पावर, मुक्तिनाथ कृषि कम्पनी, नेपाल वायरहाउजिङ, धौलागिरि लघुवित्त, सिंगटी हाइड्रो, नेपाल हाइड्रो, माथिल्लो मैलुङखोला र बिन्ध्यवासिनी हाइड्रोका लगानीकर्ताहरुले क्रमशः १०, ९.९९, ९.९८, ९.९६, ९.९६, ९.७७, ९.७१ र ९.६१ प्रतिशतले नाफा कमाएका हुन् ।
त्यस्तै मानुषी लघुवित्तका लगानीकर्ताहरुले सबैभन्दा बढी ६.६९ प्रतिशतले घाटा व्यहोरेका छन् ।
साताको पहिलो दिन आज सोनापुर मिनिरल्सको उच्च कारोबार भएको छ । उक्त कम्पनीको २८ करोड ५६ हजार ४ सय ४.१० रुपियाँ बराबरको कारोबार भएको नेप्सेले जनाएको छ ।
