मङ्गलबार २० कात्तिक, २०८१ | Tuesday Nov 05, 2024
काठमाडौं । शेयर बजार बिस्तारै उचालिंदै गएको छ । यसैक्रममा आज पनि बजार बढ्दा कारोबार रकम ५ अर्ब नाघेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ९.५० अंकले बढेको हो । ०.४५ प्रतिशतले बजार बढ्दा नेप्से परिसूचक २०८९.६२ अंकमा उक्लिएको छ ।
आज ३०१ कम्पनीका १ करोड ३४ लाख ७७ हजार ९ सय ४६ कित्ता शेयर किनेबेच हुँदा ५ अर्ब १३ करोड ४८ लाख ४८ हजार ७ सय ८९.३८ रुपियाँ बराबरको कारोबार भएको हो ।
हिमालयन रि–इन्स्योरेन्ससहित विभिन्न ६ कम्पनीका लगानीकताहरुले ९ प्रतिशत बढी नाफा कमाएका छन् । हिमालयन र मनकामना स्मार्ट लघुवित्तको शेयर मूल्य १०–१० प्रतिशतले बढ्दा मुक्तिनाथ कृषि कम्पनी, नेपाल वायरहाउजिङ, ङादी ग्रुप पावर र उन्नती सहकार्य लघुवित्तका लगानीकर्ताहरुले क्रमशः ९.९९, ९.९९, ९.९६ र ९.११ प्रतिशतले नाफा कमाएका छन् ।
त्यस्तै छिमेक लघुवित्तका लगानीकर्ताहरुले सबैभन्दा बढी ५.९५ प्रतिशतले घाटा व्यहोरेका छन् ।
आज पनि सोना मिनिरल्सकै उच्च कारोबार भएको छ । उक्त कम्पनीको ३२ करोड ७८ लाख ९१ हजार ६ सय १३.३० रुपियाँ बराबरको शेयर किनबेच भएको नेप्सेले जनाएको छ ।
साताको पहिलो दिन आइतबार २६.३६ अंकले बजार घट्दा ५ अर्ब २४ करोड १४ लाख ८ हजार ३ सय ७९.८५ रुपियाँ, सोमबार ३६.५७ अंकले बजार बढ्दा ४ अर्ब ६७ करोड ५२ लाख २४ हजार ९ सय ६.२८ रुपियाँ र हिजो मंगलबार २०.६२ अंकले बजार बढ्दा ६ अर्ब ११ करोड ८३ लाख १७ हजार ८ सय ६६.६७ बराबरको कारोबार भएको थियो ।
