मङ्गलबार २७ कात्तिक, २०८१ | Tuesday Nov 12, 2024
काठमाडौं । उतारचढावका बीच आज पनि शेयर बजार घटेर यो साताका लागि बिश्राम लिएको छ । बजार तल झरे पनि आज कारोबार रकम भने उत्साहजनक रह्यो ।
नेपाल स्टक एक्सचेञ्ज लिमिटेड (नेप्से) का अनुसार आज बजार ७.२३ अंकले घटेको हो । ०.३३ प्रतिशतले बजार घट्दा नेप्से परिसूचक २१५५.८२ अंकमा ओर्लिएको छ ।
आज २९८ कम्पनीका २ करोढ ११ लाख २५ हजार ७ सय ७६ कित्ता शेयर किनबेच हुँदा ८ अर्ब १७ करोड ४९ लाख ८६ हजार २ सय ८२.९७ रुपियाँ बराबरको कारोबार भएको हो ।
समग्रमा बजार घटे पनि विभिन्न ५ कम्पनीका लगानीकर्ताहरुले ९ प्रतिशत बढी नाफा कमाएका छन् । रिडी पावर, सिनर्जी पावर, महुली लघुवित्त, गणपति लघुवित्त र सीईडीबी हाइड्रोका लगानीकर्ताहरुले क्रमशः १०, १०, १०, १० र ९.८५ प्रतिशतले नाफा कमाएका छन् ।
निरन्तर पोजेटिभ सर्किट लाग्दै आएको हिमालयन रि को शेयरमूल्य आज ८.४४ प्रतिशतले बढ्यो । प्रतिकित्ता रु. ६५३ ले कारोबार भई यो साताको लागि बन्द भयो । आज उक्त कम्पनीको शेयरमूल्य तीब्र रुपमा घटबढ भइरह्यो ।
त्यस्तै तेह्रथुम पावरका लगानीकर्ताहरुले सबैभन्दा बढी ९.४३ प्रतिशतले घाटा व्यहोरे ।
आज हिमालयन रि को उच्च कारोबार भयो । उक्त कम्पनीको १ अर्ब ८४ करोड ४२ लाख ३७ हजार ३ सय २८.५० रुपियाँ बराबरको कारोबार भएको नेप्सेले जनाएको छ ।
साताको पहिलो दिन आइतबार बजार ३१.६२ अंकले बढ्दा ५ अर्ब ४५ करोड रुपियाँ, मंगलबार ५४.५४ अंकले बजार बढ्दा ८ अर्ब २ करोड ३८ लाख ६२ हजार ४ सय ६.६९ रुपियाँ र हिजो बुधबार १२.१० अंकले बजार घट्दा ९ अर्ब ७६ करोड ८९ लाख ६९ हजार ८ सय ६८.६१ रुपियाँ बराबरको कारोबार भएको थियो । सोमबार भने माघे संक्रान्तिको बिदाका कारण बजार बन्द रह्यो ।
