शुक्रबार २३ कात्तिक, २०८१ | Friday Nov 08, 2024
काठमाडौं । नेपाल प्रहरीका विभिन्न पोस्टमा कार्यरत २४ जना कर्मचारी सम्पर्कविहीन भएका छन् ।
लामो समयदेखि हाजिर नभएपछि प्रहरी प्रधान कार्यालयले सम्पर्कमा आउन ताकेता गरेको छ ।
सम्पर्कविहीन हुनेहरूमा तीन जना सहायक निरीक्षक (असई), २ जना सहायक हवल्दार र बाँकी जवान रहेका छन् ।
प्रहरी प्रधान कार्यालयले हाजिरी हुन ताकेता गरेकाहरू भदौदेखि नै सम्पर्कमा नरहेकासम्म छन् । सल्यानका विनोद बिक गत भदौ २४ गतेदेखि नै हाजिरी भएका छैनन् ।
गैरहाजिर भएका २४ जनालाई नै सात दिनभित्र स्पष्टीकरणसहित सम्पर्कमा आउन भनिएको छ । यो अवधिमा नआए सेवाबाट हटाउने प्रक्रिया सुरु हुने प्रहरी प्रधान कार्यालयले जनाएको छ ।
