मङ्गलबार २० कात्तिक, २०८१ | Tuesday Nov 05, 2024
बाँके । जिल्ला प्रहरी कार्यालय बाँकेले भारतबाट भन्सार छली अवैध रुपमा नेपाल ल्याउँदै गरेका अवैध खसीबाख्रा बरामद गरेको छ । प्रहरीले भारतबाट भन्सार छली गरी नेपाल ल्याइएका पाँचवटा खसीबाख्रा बुधवार नेपालगन्जबाट बरामद गरेको हो ।
अवैध खसीबाख्रा ल्याउने कार्यमा संलग्न नेपालगन्ज उपमहानगरपालिका १ का आशिष कुरेसी र बादशाह कुरेसीलाई पक्राउ गरिएको प्रहरीले जनाएको छ ।
उनीहरुको साथबाट प्रहरीले खसीबाख्रा ढुवानी गर्न प्रयोग भएको भे ६ प ४५१२ नम्बरको मोटरसाइकल पनि बरामद गरेको जनाएको छ । बरामद गरिएका पाँचवटा खसीबाख्रा र मोटरसाइकलको अन्दाजी मूल्य १ लाख ८ हजार रुपियाँ रहेको प्रहरीले जनाएको छ ।
बरामद गरिएका खसीबाख्रा, मोटरसाइकल र पक्राउ परेका दुवै जनालाई आवश्यक कारबाहीका लागि आज नेपालगन्ज भन्सार कार्यालय पठाइएको बाँके प्रहरीले जनाएको छ ।
