बिहीबार २२ कात्तिक, २०८१ | Thursday Nov 07, 2024
काठमाडौं । आजदेखि त्रिदेशीय ट्वान्टी–२० क्रिकेट सुरु हुँदैछ । यो शृंखलाको पहिलो खेल नै नेपालले नामिबियासँग खेल्ने भएको छ ।
कीर्तिपुरस्थित टीयू क्रिकेट मैदानमा हुने खेल बिहान ११ः३० बजेदेखि सुरु हुनेछ । नेपालले यसै वर्षको जुनमा हुने ट्वान्टी–२० विश्वकप तयारीका लागि घरेलु मैदानमा आईसीसी क्रिकेट विश्वकप लिग–२ को खेलका लागि सहभागी टिमसँग शृंखला आयोजना गरेको हो ।शृंखलामा नेपालसहित नामिबिया र नेदरल्यान्ड्स पनि छन् ।
शृंखलाका लागि रोहितकुमार पौडेलको कप्तानीमा १८ सदस्यीय टोली घोषणा भइसकेको छ ।
आजको खेलपछि नेपालले फागुन १६ गते नेदरल्यान्ड्ससँग, फागुन १८ गते पुनः नामिबिया र १९ गते नेदरल्यान्ड्ससँग खेल्नेछ ।
शृंखलाको लिग चरणबाट शीर्ष दुई टोली उपाधिका लागि फाइनलमा भिड्नेछन् । फाइनल खेल भने फागुन २२ गते हुने बताइएको छ ।
