आइतबार १८ कात्तिक, २०८१ | Sunday Nov 03, 2024
काठमाडौं । श्रम, रोजगार तथा सामाजिक सुरक्षामन्त्री डोलप्रसाद अर्यालले सांसदहरुलाई मन्त्रीले गर्ने काममा राजनीति नगर्न आग्रह गरेका छन् ।
बिहीवारको संसदमा उनले विकासका कुराहरुमा राजनीति नगरिदिए विकासमा देश धेरै अघि बढ्ने बताए । विकासका कुरा राजनीतिक दल एकछिन बिर्सिन सके मात्रै पनि देश समृद्ध बन्ने, र जनताले सुख पाउने जिकिर गरे । अर्यालले सामाजिक सुरक्षा कोषका बारेमा सरकार गम्भीर रहेको बताए ।
उनले सामाजिक सुरक्षा कोषका बारेमा प्रचार प्रसार गर्न नसकिएको बताउँदै सरकारले आफ्नै कर्मचारीलाई सामजिक सुरक्षा कोषमा लैजान नसक्ने र निजी क्षेत्रलाई जबरजस्ती गर्ने कुरा सही नभएको बताए ।
उहाँले भन्नुभयो, ‘कुनै मन्त्रीले गर्ने काममा तपाईं हामीले राजनीति गरिदिनु भएन । विकासका कुराहरुमा राजनीति नगरि दिनुहोला । विकासका कुरामा पार्टीका कुरा हेरिदिनु भएन । त्यतिबेला हामीले पार्टी र राजनीति एकछिन बिर्सिने हो भने देश समृद्ध हुन्छ, नागरिकले सुख पाउँछन् । देश र सरकार छ भन्ने महशुस नागरिकलाई गराउन सक्छौँ । सामाजिक सुरक्षा कोषका बारेमा हामीले धेरैपटक बजेट भन्दा अगाडि पनि अर्थमन्त्री,प्रधानमन्त्रीज्युसँग कुरा गरेका छाँै । अलिकति प्रचार प्रसार गर्न सकिएको छैन । सरकारले आफ्नै कर्मचारीलाई सामजिक सुरक्षा कोष लैजान नसक्ने,निजी क्षेत्रलाई जबरजस्ती तिमीहरु हुुनपर्ने भन्ने छ । यो अलिकति पूरा भएन । त्यसमा सुहाएन । सचिवालयका कर्मचारीहरु आन्दोलनमा हुनुहुन्छ त सचिवालयको कर्मचारीले पनि बाहिर उठेर हुलदंगा गरेपछि मात्रै हामी उहाँहरुका लागि वार्ता समिति बनाउने हो र ? यो संवेदनशील विषय हो । म आफैँ मन्त्री छु, सरकारमा छु, म संवेदनशील छु ।’
बाइट...डोलप्रसाद अर्याल,मन्त्री, श्रम, रोजगार तथा सामाजिक सुरक्षा मन्त्रायल
उहाँले संसद सचिवालयका कर्मचारीहरु आन्दोलित भएकोबारे सरकार गम्भीर रहेको र कर्मचारीहरुका माग सम्बोधन हुनुपर्ने बताउनु भयो । उहाँले आन्दोलन गरेपछि मात्रै वार्ता समिति बनाउने कुरा राम्रो नभएको बताउनु भयो ।
