शुक्रबार २ कात्तिक, २०८१ | Friday Oct 18, 2024
काठमाडौं । श्रम, रोजगार तथा सामाजिक सुरक्षा मन्त्रालयअन्तर्गतको वैदेशिक रोजगार बोर्ड सचिवालयले मुद्दती निक्षेपमा लगानी गर्ने भएको छ ।
बोर्डले एक वर्षे अवधिका लागि ३३ करोड रुपियाँ मुद्दती निक्षेपमा लगानी गर्ने भएको हो ।
वैदेशिक रोगार कल्याणकारी कोषका विभिन्न बैंकको मुद्दती खातामा रहेको रकम यही साउन ११ गते परिपक्व हुँदैछ । सो रकम पुनः लगानी गर्ने बोर्डले जनाएको छ ।
मुद्दती निक्षेपमा लिन इच्छुक राष्ट्र बैंकबाट इजाजतप्राप्त ‘क’ वर्गका वाणिज्य बैंकहरूले आफूले लिन चाहेको रकम तथा सोको ब्याजदरलगायत अन्य विवरण खुलाई साउन ९ गतेसम्म बोर्डको सचिवालयमा गोप्य शिलबन्दी दरभाउपत्र पेस गर्नुपर्नेछ ।
पेस भएका शिलबन्दी साउन १० गते मध्यान्ह १२ खोलिनेछ ।
