शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । बुद्ध एयर यही आउँदो फागुन २५ देखि पोखरा–भद्रपुर–पोखराको दैनिक सिधा उडान गर्ने भएको छ । पोखरादेखि भद्रपुरको उडान अवधि लगभग १ घण्टाको हुनेछ । यी गन्तव्यको प्रमोसनल भाडादर सात हजार पाँच सय रुपियाँ कायम गरिएको कम्पनीले जनाएको छ ।
बुद्ध एयरले बिहीबार प्रेस विज्ञप्ती जारी गर्दै पोखराबाट भद्रपुरको उडान समय बिहान ६ः१५ तथा भद्रपुरबाट पोखराको उडान समय १८ः५५ रहेको जनाएको छ । यस उडानबाट दुवै पर्यटकीय शहरका जनता लाभान्वित हुने र दैनिक उडानबाट दुवै ठाउँको पर्यटकीय स्थलमा चहलपहल बढ्ने विश्वास बुद्ध एयरको छ ।
यस सिधा उडानबाट भद्रपुर नजिक रहेका सिक्किम, दार्जिलिङ, सिलिगुढीलगायतका शहरका पर्यटकहरुलाई पोखरा आउजाउ गर्न निकै सजिलो हुने उसको विश्वास छ । बुद्ध एयरको भगिनी संस्था बुध्द होलिडेजले यी दुवै गन्तव्यका लागि आकर्षक होलिडे प्याकेजहरु पनि सञ्चालनमा ल्याएको छ ।
बुद्ध एयरसँग ७२ सिटे एटीआर–७२ जहाज ११ वटा, ४२ सिटे एटीआर–४२ जहाज ३ वटा रहेका छन् ।
