आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौं । पासाङ दावा शर्पाले पनि २७औं पटक सर्वोच्च शिखर सगरमाथाको सफल आरोहण गरेका छन् ।
उनले विश्व कीर्तिमानी पर्वतारोही तथा माउन्टेन गाइट कामिरिता शेर्पाले बनाएको कीर्तिमानको बराबरी गरेका हुन् ।
यही सिजनमा विश्व कीर्तिमानी पर्वतारोही कामिरिता शेर्पाले सगरमाथाको २७औं पटक सफल आरोहण गरी कीर्तिमान कायम गरेका थिए ।
उनी पछि सगरमाथाको २७औं पटक आरोहण गर्ने व्यक्ति बनेका छन्, पासाङ दावा शर्पा । उनले यही सिजनमा बैशाख ३१ गतेका दिन २६औं पटक आरोहण गरेका थिए ।
इमाजिन नेपाल ट्रेक्सका अनुसार पासाङ दावा शर्पाले आज बिहान ८ बजेर २५ मिनेटमा सगरमाथाको २७ औं पटक सफलतापूर्वक आरोहण गरेका छन् ।
पाङ्बोचेमा जन्मिएका पासाङ दावा शर्पाले १९९८, १९९९, २००२, २००३, २००४, २००६ , २००७ , २००८, २००९, २०१०, २०११, २०१२, २०१३, २०१६, २०१७, २०१८, २०१९, २०२२ र २०२३ मा गरी उनले २७औं पटक सगरमाथाको सफल आरोहण गरेका हुन् ।
