आइतबार २ मंसिर, २०८१ | Sunday Nov 17, 2024
आइतबार २ मंसिर, २०८१ | Sunday Nov 17, 2024
काठमाडौँ । सरकारको मुख्य सचिवमा बैकुण्ठ अर्याल नियुक्त भएका छन् । बिहीबार बिहान बसेको मन्त्रिपरिषद् बैठकले उनलाई मुख्य सचिवमा नियुक्त गर्ने निर्णय गरेको हो ।
अमेरिकी अनुदान परियोजना एमसीसी पास गर्न महत्वपूर्ण भूमिका खेलेका अर्याल अवकाश हुन लागेको बेला मुख्य सचिव नियुक्त गर्न प्रधानमन्त्री पुष्पकमल दाहाल तयार हुनु अर्थपूर्ण देखिन्छ ।
यसअघिका मुख्य सचिव शंकरदास बैरागी तीन महिनापछि अवकाश हुन लागेका छन् । वैरागीलाई अन्य कुनै आकर्षक पदमा नियुक्ति दिएर अर्याललाई सो ठाउँमा ल्याइएको हो ।
वैरागी ५८ वर्ष माघमा पुग्ने भए पनि तीन वर्षे सेवा अवधिका कारण असोज १४ गते अवकाशमा जाँदै थिए । उनी २०७७ असोज १५ गते मुख्यसचिवमा नियुक्त भएका थिए ।
हाल अर्याल प्रधानमन्त्री तथा मन्त्रिपरिषद्को कार्यालयमा सचिव थिए ।
