शनिबार १२ असोज, २०८१ | Saturday Sep 28, 2024
काठमाडौं । नेपाल प्रहरी श्रीमती संघ कर्णाली प्रदेशले राउटे समुदायलाई खाद्यान्न वितरण गरेको छ ।
दैलेख जिल्ला महाँबु गाउपालिका वडा नम्बर ३ बाँसीको पाल्चौरको जंगलमा बसोबास गर्दै आईरहेका ४१ राउटे परिवारलाई भैरवी गाउँपालिका १ दारेघाटमा खाद्यान्न वितरण गरिएको हो ।
प्रहरी श्रीमती संघ कर्णाली प्रदेशकी अध्यक्ष बिन्दु अधिकारी ढकालको विशेष सक्रियतामा लोपन्मुख राउटे समुदायका मानिसहरूलाई खाद्यान्न वितरण भएको हो ।
उक्त कार्यक्रममा संघकी सह–सचिव सुष्मा थापा लम्साल र सदस्य यज्ञश्वरी भट्ट पन्त तथा कर्णाली प्रदेश प्रहरी प्रमुख डीआईजी भीम ढकाल र जिल्ला प्रहरी कार्यालय प्रमुख डीएसपी किशोर लम्सालको समेत उपस्थिती थियो ।
