शुक्रबार ३० कात्तिक, २०८१ | Friday Nov 15, 2024
काठमाडौं। अर्जेन्टेनी फुटबल स्टार लियोनल मेसीले बालोन डी अर जितेका छन्। सोमबार राती भएको समारोहमा मेसीले आठौं पटक अवार्ड जितेका हुन् ।
प्रत्येक वर्ष उत्कृष्ट पुरुष र महिला फुटबल खेलाडीले यो अवार्ड जित्दै आएका छन् । अवार्ड फ्रेन्च फुटबल म्यागेजिनले दिदैं आएको छ । फुटबल खेल्न अमेरिकाको मेजर सकर लिग पुगेका मेसीले विश्वकप जित्न महत्वपुर्ण भुमिका खेलेका थिए ।
मेसीले म्यान्चेष्टर सिटीका फर्वार्ड एर्लिङ हल्याण्डलाई पराजित गर्दै अवार्ड जितेका हुन् । हल्याण्डले सिटीबाट इंग्लिस प्रिमियर लिग, च्याम्पियान्स लिग र एफए कप जितेका थिए ।
आठौं पटक अवार्ड जित्दै मेसी सर्वकालिन महान खेलाडीको सूचिमा उक्लिएका छन् । मेसीले फुटबलका सबैखाले ठूला प्रतियोगिता जितेका छन् । महिलातर्फको बालोन डी अर भने स्पेनकी २५ वर्षिया मिडफिल्डर एइटाना बोनमाटीले जितेकी छिन् ।
बोनमाटीले स्पेनीस फुटबल क्लब बार्सिलोनाबाट फुटलब खेल्दै आएकी छिन् । उनले सन् २०२३ को महिला विश्वकप फुटबल जित्न महत्वपुर्ण भुमिका खेलेकी थिइन ।
यो अवार्ड धेरै जित्नेमा पोर्चुगलका क्रिष्टियानो रोनाल्डो रहेका छन् । उनले यो अवार्ड ५ पटक जितेका छन् ।
