अरु देशले ऐतिहासिक कारणले राजसंस्था मानेका होलान, हामी सिद्धान्तको कुरा गछौंः ओली

ललितपुर । नेकपा (एमाले)का अध्यक्ष केपी ओलीले मुर्खहरुले मात्रै राजतन्त्र मान्ने टिप्पणी गरेका छन् । शुक्रबार आफ्नो पार्टीको मुख्यालयमा आयोजित कार्यक्रममा उनले राजतन्त्रलाई मरेको प्रेतको संज्ञा दिए । 

ओलीले नेपाली जनताले वाक्क, दिक्क भएर फ्याँकेको शक्ति फेरि फर्कन नसक्ने जिकिर गर्दै कतिपय देशहरुले विभिन्न सम्झौताका कारण राजतन्त्र मानेको भए पनि नेपालमा राजनीतिक, वैचारिक, सैद्धान्तिक कुनै हिसावले पनि राजतन्त्र हुनै नसक्ने तर्क गरे । 

युवा संघको प्रदर्शन भने देशलाई संकटबाट जोगाउनका लागि भएको ओलीको तर्क छ । उनले भने, ‘केहीकेही तत्वहरु १५ वर्ष अघि फ्याँलीसकिएका, हेर्दाहेर्दा वाक्क, ब्याक्क, दिक्क भएर जनताले पाल्न नसकिने रहेछ यो, यो काम लाग्ने चिज नै होइन रहेछ, राजनीतिक रुपले, वैचारिक रुपले, सैद्धान्तिक रुपले, कुनै हिसावले पनि राजतन्त्र, एउटा मान्छेको छोरो जन्मिदै राष्ट्र प्रमुख हुन जन्मिने, अरुका छोराछोरीले मरिमेटेर काम गरेपनि हुन नपाउने, यस्तो अन्यायपूर्ण विचार बोक्नेहरु । मैले पटक भने– फेरि चित्त दुखाउछन मान्छेले । मैले बोल्दाखेरी भनेँ– कित चेतना नै नभएका मुर्खहरुले राजतन्त्र मान्छन् । एउटा मान्छेको छोरा, जन्मिदै राष्ट्रप्रमुख हुन जन्मिन्छ । लाटो जन्मिन्छ कि गजडी जन्मिन्छ कि । ड्रगिष्ट भएर जन्मिन्छ कि । कस्तो भएर जन्मिन्छ ? लफंगा भएर जन्मिन्छ कि ? थाहा छैन । जन्मिदै राजा हुने । त्यो कुरालाई पनि मान्छु, त्यही हुनुपर्छ भन्ने कठैबरी । नागरिक सर्वोच्चता स्वीकार नगर्ने । देशभरीका जनतामा सार्वभौमसत्ता भनेर मान्न नसक्ने । एउटा व्यक्तिमा सार्वभौमसत्ता हुनुपर्छ भन्ने । त्यो चेतना चेतना हो र ? त्यो त मुर्खता हो नि ।’ 

ओलीले थपे, ‘होला, कतिपय देशले ऐतिहासिक कारणले सम्झौता गरेको होलान । त्यो राजनीतिक सम्झौता होला । कतिपय देशले गरेका होलान । हुन सक्छ त्यो अरु देशको मामिलामा हामी बोलिरहेका छैनौ । अरु देशका प्रणालीहरुलाई अरु देशका जनता र शासकहरुको बीचका सम्झौताहरुलाई हामीले केही भन्नु छैन । हामीले सिद्धान्तको कुरा गर्ने हो । अरु देशको हकमा हाम्रो देशमा सिद्धान्तको मात्रै कुरा होइन । व्यवहारको कुरा गरेको । हाम्रो देशमा राजतन्त्र काम लाग्दैन भनेर नेपाली जनताले फालेका हुन । यो देशमा २० साल भन्दा अगाडिसम्म बाटोमा नबन्नुमा के कारण छ ? अनि विकास हुनै नसक्नु कारण के हो ? २४० वर्ष राजतन्त्रले खायो । अन्त शिक्षामा अगाडि, स्वास्थ्यमा अगाडि । विकासमा अगाडि, पूर्वाधारमा अगाडि सबै हुदा पनि हाम्रो देशमा किन हुन सकेन ? जंगबहादुरको शासन आयो–१९०३ मा । त्यसको सात वर्ष पछि दरबार स्कुल पहिलो पटक खुल्यो । त्यो भन्दा अगाडि राजाहरुले किन खोलेनन ? नीति के थियो ? जनता पढाउने नीति थियो ? लोकतान्त्रिक नीति थियो ? होइन–अन्धकारमा राख्नुपर्छ भन्थे । कानून थिएन । म जे भन्छु, त्यही कानून हो भन्थे । अनि राजतन्त्रले के के न ग¥यो भन्ने कहाँबाट हुन्छ ? सति प्रथा उन्मुलन गरेको राजतन्त्रले होइन । त्यति त बरु राणाले गरेका थिए । दास प्रथाको उन्मुलन राणाहरुले गरेको हो । अनि राजाले किन गरेनन ? राजाले केही पनि गरेनन । राजा भएर बस्ने, दुनियालाई दुख दिने । त्यो बाहेक के गरेँ राजाले ? अव त्यस्तो एउटा मरेको प्रेतको पछाडि नलिखुट्टाको हड्डी फुकेर राजतन्त्र फर्काउँछु भनेर केही लागेका छन । त्यस्तो बेलामा युवा संघले हामी यहाँ छौ भनेर छातिमा टाँसेर होइन, रातो टोपी लगाएर हामी यहाँ छौ भनेर मैदान उत्रेर जे ग¥यो । म तपाईहरुलाई धन्यवाद भन्न चाहन्छु । युवा संघले देश संकटमा परेको बेला संकटमा काँध थाप्ने हामी छौ है भनेर हिजो बोल्यो । धन्यवाद छ युवा संघलाई ।’

ओलीले बल्खुमा बिहीवार भएको प्रदर्शनमा ५–७ हजार मान्छे रहेको जिकिर गर्दै वर्तमान सरकार भने त्यसबाट थर्कमान भएको बताए । कुनै जग नभएकाले वर्तमान सरकार माग, नारा के हो ? केही पनि थाहा नभएकोहरुको प्रदर्शनबाट पनि थर्कमान भएको ओलीले बताए । ओलीले जनतालाई निराश हुन नदिने काम एमालेले गर्नुपर्ने भएकाले त्यस काममा लाग्न पनि युवा संघलाई सचेत गराए ।