मङ्गलबार २० कात्तिक, २०८१ | Tuesday Nov 05, 2024
काठमाडौं । विभिन्न ३ कम्पनीका लगानीकर्ताहरुको हात खाली हुने भएको छ ।
चन्द्रागिरि हिल्स लिमिटेड, सीवाईसी नेपाल लघुवित्त र लिबर्टी इनर्जी कम्पनीले आव २०७९/८० को नाफाबाट लाभांश प्रस्ताव नगर्ने भएका हुन् ।
यसैबीच सञ्चालक समितिको प्रस्ताव पारित गर्न चन्द्रागिरि हिल्सले पुस २६ गते १४औं वार्षिक साधारण सभा डाकेको छ । साधारण सभा प्रयोजनका लागि पुस १३ गते बुक क्लोज गर्ने निर्णय भएको कम्पनी सचिव झलकराज शर्माले जनाएका छन् ।
यता, लिबर्टी इनर्जीले पनि पुस २५ गते साधारण सभा डाकेको छ । साधारण सभा प्रयोजनका लागि पुस १३ गते बुक क्लोज गर्ने निर्णय भएको कम्पनी सचिव कमलकुमार भारतीले जनाएका छन् ।
