मङ्गलबार २० कात्तिक, २०८१ | Tuesday Nov 05, 2024
काठमाडौं । हुलास इन्फ्रा प्रालीले २६ करोड ८० लाखको व्यापार गरेको छ । कम्पनीले सन् २०२३ मा सो बराबरको व्यापार गरेको हो ।
कम्पनीले सन् २०२२ मा ११ करोड ६० लाखको मात्रै व्यापार गरेको थियो। यस्तै सन् २०२० मा ३६ लाखको व्यापार गरेको हो ।
फलाम तथा आइरनका विभिन्न सामाग्री उत्पादन गर्ने यस उद्योगले अपेक्षित व्यापार भने गर्न सकेको छैन । रेटिङ एजेन्सी इन्फोमेरिक्सका अनुसार कम्पनीले सन् २०२३ मा कुल उत्पादन क्षमताको १८ प्रतिशत मात्रै उपयोग भएको बताएको छ ।
उद्योग स्थापनाका लागि १ अर्ब ६८ करोड खर्च भएको छ। कम्पनीले अधिकाँस कच्चा पदार्थ भारतबाट आयात गर्दै आएको छ ।
तर कच्चा पदार्थको भाउमा भैरहने उतारचढावले भने कम्पनीलाई नै गम्भिर असर पारेको एजेन्सीले जनाएको छ । विशेषगरी सडक छेउमा राखिने फलामका बार,फलामे बिल्डिङमा प्रयोग हुने सामाग्रीहरु निर्माण गर्दै आएको छ ।
