काठमाडौं । महिला लघुवित्त वित्तीय संस्थाले संस्थापक शेयर लिलाम बिक्रीमा ल्याएको छ ।
लघुवित्तले संस्थापक शेयरधनीको नाममा रहेको एक लाख ९९ हजार ४७२ कित्ता संस्थापक शेयर लिलाम बिक्रीमा ल्याएको हो ।
सो शेयरको प्रतिकित्ता न्यूनतम मूल्य ७०० रुपियाँमा तोकिएको छ ।
शेयर खरिद गर्न इच्छुक जोकोही व्यक्ति तथा संगठित संस्थाले गोप्य शिलबन्दी बोलपत्र पेस गर्न सक्नेछन् ।
शेयर खरिदका लागि बोलकबोल गर्दा घटीमा १०० कित्ता र बढीमा सबै कित्ताका लागि आवेदन दिन सकिनेछ ।
इच्छुक लगानीकर्ताले आज (असार १७) देखि साउन ८ गतेसम्म बोलपत्र पेस गर्नुपर्नेछ ।
बोलपत्र फाराम बिक्री प्रबन्धक नेपाल एसबिआई मर्चेन्ट बैंकिङ लिमिटेड, ठमेल, काठमाडौंमा बुझाउनुपर्नेछ ।