आइतबार ६ असोज, २०८१ | Sunday Sep 22, 2024
काठमाडौं । हाल देशभर मनसुनी वायुको प्रभाव रहँदा देशभर साधारणतया बदली रहेको छ ।
बागमतीसहित कोशी, गण्डकी र लुम्बिनी प्रदेशका थोरै स्थानमा बिहानैदेखि हल्कादेखि मध्यम वर्षा भइरहेको छ ।
जल तथा मौसम विज्ञान विभागका अनुसार आज दिउँसो देशभर आंशिकदेखि साधारणतया बदली रहनेछ ।
सबै प्रदेशका केही स्थानमा चट्याङसहित हल्कादेखि मध्यम वर्षाको सम्भावना रहेको छ भने बागमती र सुदूरपश्चिम प्रदेशका एक-दुई स्थानमा भारी वर्षा हुन सक्ने विभागले जनाएको छ ।
त्यसैगरी राति देशभर आंशिकदेखि साधारणतया बदली रहनेछ ।
बागमती, गण्डकी र सुदूरपश्चिम प्रदेशका केही स्थानमा तथा बाँकी प्रदेशका थोरै स्थानमा चट्याङसहित हल्कादेखि मध्यम वर्षाको सम्भावना छ ।
कर्णाली र सुदूरपश्चिम प्रदेशका एक-दुई स्थानमा भारी वर्षा हुने पनि विभागको पूर्वानुमान छ ।
