शुक्रबार २ कात्तिक, २०८१ | Friday Oct 18, 2024
काठमाडौं । हाल देशभर मनसुनी वायुको प्रभाव रहेको छ । मनसुनको न्यून चापीय रेखा सरदर स्थानको आसपासमा अवस्थित छ ।
जल तथा मौसम विज्ञान विभागका अनुसार देशभर साधारणतया बदली रहेको छ । अहिले बागमती र गण्डकी प्रदेशका केही तथा बाँकी प्रदेशका एकाध स्थानमा हल्कादेखि मध्यम वर्षा भइरहेको छ ।
विभागका अनुसार आज दिउँसो देशभर आंशिकदेखि साधारणतया बदली रहनेछ ।
कोशी, बागमती, गण्डकी, कर्णाली र सुदूरपश्चिम प्रदेशका केही स्थानहरूमा तथा बाँकी प्रदेशका थोरै स्थानमा चट्याङसहित हल्कादेखि मध्यम वर्षा हुनेछ ।
त्यसैगरी, राति देशभर आंशिकदेखि साधारणतया बदली रहनेछ ।
बागमती, गण्डकी, कर्णाली र सुदूरपश्चिम प्रदेशका केही स्थानमा तथा बाँकी प्रदेशका थोरै स्थानमा चट्याङसहित हल्कादेखि मध्यम वर्षाको सम्भावना छ ।
कर्णाली प्रदेशका एक-दुई स्थानमा भारी वर्षा हुन सक्ने पनि विभागको भनाइ छ ।
