आइतबार २३ भदौ, २०८१ | Sunday Sep 08, 2024
काठमाडौं । आईसीएफसी फाइनान्सले शून्य मौज्दात (पैसा नभएका) भएका निष्क्रिय खाता बन्द गर्ने भएको छ ।
कम्पनीले विगत १० वर्षदेखि शून्य मौज्दात रही कारोबार नभएका निष्क्रिय खाता बन्द गर्न लागेको हो ।
बन्द गरिने निष्क्रिय खाताको सूची कम्पनीको वेबसाइटमा राखिएको कम्पनीले जनाएको छ ।
साथै, कारोबार नभएका सम्बन्धित खातावालालाई ३५ दिनभित्र नजिकैका शाखामा गई खाता सुचारु गर्न पनि कम्पनीले आग्रह गरेको छ ।
अन्यथा नेपाल राष्ट्र बैंकको एकीकृत निर्देशनबमोजिम ती खाताहरू बन्द गरिने कम्पनीले चेतावनी दिएको छ ।
