शनिबार ५ असोज, २०८१ | Saturday Sep 21, 2024
काठमाडौं । देशभर साधारणतया बदली रहेको छ । जल तथा मौसम विभागका अनुसार अहिले बागमती, गण्डकी, लुम्बिनी र कर्णाली प्रदेशसहित कोशी प्रदेशका एक-दुई स्थानमा हल्का वर्षा भइरहेको छ ।
विभागका अनुसार आज दिउँसो देशभर आंशिकदेखि साधारणतया बदली रहनेछ ।
मधेश प्रदेशका थोरै स्थान तथा बाँकी प्रदेशका केही स्थानहरूमा चट्याङसहित हल्कादेखि मध्यम वर्षाको सम्भावना छ ।
त्यस्तै, राति देशभर साधारणतया बदली रहनेछ ।
सबै प्रदेशका केही स्थानमा चट्याङसहित हल्कादेखि मध्यम वर्षा हुनेछ ।
कोशी, मधेश, बागमती र गण्डकी प्रदेशका थोरै स्थानमा भारी वर्षाको समेत सम्भावना रहेको छ ।
साथै कोशी, बागमती र गण्डकी प्रदेशका एक-दुई स्थानमा धेरै भारी वर्षा हुने विभागले जनाएको छ ।
