शनिबार ५ असोज, २०८१ | Saturday Sep 21, 2024
भद्रपुर । आर्थिक वर्ष २०८०/०८१ झापामा एक हजार ११० नयाँ साना तथा घरेलु उद्योग दर्ता भएका छन् ।
घरेलु तथा साना उद्योग कार्यालयमा उद्योगतर्फ ६२९ र वाणिज्यतर्फ ४८१ फर्म दर्ता भएका हुन् ।
उक्त कार्यालयका निमित्त प्रमुख प्रेमप्रसाद सापकोटाका अनुसार २८८ उद्योग खारेज हुँदा एक हजार ७०८ उद्योगले नवीकरण गरेका छन् ।
गत आवमा २४३ उद्योगले पुँजी वृद्धि गर्दा झापाका घरेलु तथा साना उद्योगको पुँजी तीन अर्ब २८ करोडले बढेको थियो ।
वाणिज्यतर्फ २७८ फर्मले पुँजी वृद्धि गर्दा पाँच अर्ब एक करोड १० लाख ५० हजार भएको छ ।
उक्त कार्यालयले गत आर्थिक वर्षमा दुई करोड ६८ लाख ९० हजार ७५० राजस्व संकलन गरेको छ ।
आव २०७९/०८० मा रु एक करोड ८० लाख ६ हजार संकलन भएको थियो ।
