सोमबार ७ असोज, २०८१ | Monday Sep 23, 2024
काठमाडौं । सानिमा म्युचुअल फण्डअन्तर्गत दुई योजनाका इकाइधनीलाई आजदेखि लाभांश वितरण गर्न थालिएको छ ।
सानिमा क्यापिटलको योजना व्यवस्थापन तथा सानिमा बैंक कोष प्रवर्द्धक रहेको सानिमा इक्विटी फण्ड र सानिमा ग्रोथ फण्डले गत आर्थिक वर्षको मुनाफाबाट इकाइधनीलाई क्रमशः १५ प्रतिशत र १० प्रतिशत नगद लाभांश वितरण गर्ने घोषणा गरेका थिए ।
भदौ १४ गते बसेको सानिमा क्यापिटलको सञ्चालक समितिको बैठकले सो दरमा लाभांश वितरण गर्ने निर्णय गरेको हो ।
भदौ २५ सम्म कायम इकाइधनीलाई उनीहरुको हितग्राही खातामा अद्यावधिक भएको बैंक खातमा नियमानुसार कर कट्टी गरी आइपिएसमार्फत प्रतिफल जम्मा गरिने सानिमा क्यापिटलले जनाएको छ ।
साथै, आफ्नो इकाइ धितो राखेका इकाइधनीले भने सम्बन्धित बैंक तथा वित्तीय संस्थाबाट फुकुवापत्र पेस गरेपछि मात्रै खातामा प्रतिफल जम्मा हुने क्यापिटलले जनाएको छ ।
