मङ्गलबार ६ कात्तिक, २०८१ | Tuesday Oct 22, 2024
काठमाडौँ । काठमाडौँ महानगरपालिकाका मेयर बालेन शाहले कीर्तिमानी कान्छा आरोही निमा रिन्जी शेर्पालाई भेटेर बधाई दिएका छन् ।
निमाले १८ वर्षकै उमेरमा विश्वका आठ हजार मिटर अग्ला १४ वटा हिमाल (फोर्टिन पिक्स) आरोहण गरेर सबैभन्दा कान्छो आरोहीको रुपमा कीर्तिमान बनाएका थिए ।
काठमाडौँ महानगरपालिकाको कार्यालयमा भएको भेटमा बालेनले निमालाई बधाईसहित बुद्धको मुर्ती उपहार दिएका थिए । त्यस क्रममा निमाले हिमाल आरोहणका क्रममा आफ्नो अनुभव पनि सुनाएका थिए ।
मेयर बालेन पर्वतारोहणप्रति सकारात्मक रहेको र उनले निकै चासो राखेको भेटपछि निमाले बताए ।
