काठमाडौंः धनगढी प्रिमियर लिग (डीपीएल) क्रिकेट प्रतियोगिताको फाइनल खेलमा घरेलु टोली टिम चौराहा धनगढीले काठमाडौं गोल्डेन्सलाई जितका लागि विशाल लक्ष्य दिएको छ । चौराहाले निर्धारित २० ओभरको खेलमा ४ विकेट क्षतीमा १८१ रन बनाएपछि जितको लागि काठमाडौंले विशाल लक्ष्य पाएको हो ।
सुरुवाती ब्याटिङमा आएको चौराहाका सुनिल धमलाले विष्फोटक ब्याटिङ गरेपछि चौराहाले उक्त योगफल तयार पारेको हो । धमलाले टोलीका लागि तीन छक्का र चार चौकाको मद्दतमा ७८ रन बनाए । चौराहाको लागि रोहन मुस्ताफाले ६० रन र कप्तान सोमपाल कामीले ८ रन बनाए ।
काठमाडौंको लागि सुबोध भाटिले ३ विकेट, सन्नि पटेलले १ विकेट लिए । काठमाडौंको बलिङ र फिल्डिङले उत्कृष्ट प्रदर्शन गर्न नसकेपछि फराकिलो अन्तरको लक्ष्य आत्मसाथ गरेको हो ।
उपाधि जित्ने टोलीले सार्वधिन २५ लाख रुपियाँ पाउने छ । यस्तै उपविजेताले भने १० लाख रुपियाँमा चित्त बुझाउने छ ।
