ललितपुर । संरक्षित वन्यजन्तु जिवित कछुवाको व्यापार गर्ने एक जनालाई प्रहरीले ग्वार्कोबाट पक्राउ गरेको छ । पक्राउ पर्नेमा दोलखा भिमेश्वर २ बस्ने बर्ष १८ का रशिक श्रेष्ठ रहेका छन् ।
प्रहरीको केन्द्रीय अनुसन्धान ब्यूरोबाट खटिएको प्रहरी टोलीले सोमबार उनलाई १२ वटा जिवित कछुवासहित पक्राउ गरेको हो । कछुवा संरक्षित वन्यजन्तुमा पर्दछ । राष्ट्रिय निकुञ्ज तथा वन्यजन्तु संरक्षण ऐन तथा साइटिस महासन्धीअनुसार कछुको खरिद बिक्री अपराध हो ।
