कोभिड प्रभावित पर्यटन व्यवसायीलाई राहत, दुई वर्षसम्म ब्याज तथा जरिवाना नलाग्ने

काठमाडौं । नेपाल राष्ट्र बैंकले कोभिड प्रभावित पर्यटन व्यवसायलाई ठूलो राहत प्रदान गरेको छ । ऋण लिएर व्यापार व्यवसाय गरेका पर्यटन क्षेत्र अन्तर्गतका होटल, ट्राभल, ट्रेकिङ र हवाई सेवा सहितका वाह्य पर्यटकमा निर्भर रहनुपर्ने व्यवसायीलाई राहत स्वरूप ऋणको व्याज मिनाहा गरेको हो ।

उक्त व्यवसायीलाई परेको कोभिडको असर मूल्यांकन गरेर २०७९ असार मसान्तसम्म भुक्तान गर्नुपर्ने साँवा तथा व्याज दायित्वलाई छुट्टै हिसाव राखेर दुई वर्षसम्म कम्तिमा चार किस्तामा तिर्न पाइने सुविधा दिएको छ । यस्ता ऋणीको ब्याजलाई पुँजीकरण गर्न नपाइने र थप हर्जाना तथा पेनाल ब्याजसमेन नलाग्ने व्यवस्था मिलाउन राष्ट्र बैंकले सम्बन्धित बैंक तथा वित्तीय संस्थालाई निर्देशन दिएको छ ।

उनका अनुुसार पर्यटनमा होटल क्षेत्रबाट धेरैले ऋण लिएको हुनाले  यो ब्यबस्थाले ठूला होटलाई मात्रै लाभ हुन्छ । ठूला होटलहरूले नै पर्यटन क्षेत्रमा गएको ऋणमध्ये अधिकांश हिस्सा ओगट्ने गरी ऋण लिएका छन् । ठूला होटलले पुनकर्जाको सुविधा पनि पाइसकेका छन् । २०७८ असार मसान्तसम्ममा पर्यटन क्षेत्रले मात्रै २१ अर्ब ८० करोड रुपियाँ पुनरकर्जा लिएका छन् । यही क्षेत्रका ऋणीले साउनमा मात्रै थप ८९ करोड रुपियाँ थप पुनरकर्जा पाइसकेका छन् ।

राष्ट्र बैंकको साउनसम्मको तथ्यांक अनुसार पर्यटन क्षेत्रले एक खर्ब ८६ अर्ब रुपियाँ बैंक तथा वित्तीय संस्थाबाट ऋण लिएका छन् । यस्तो ऋण चालू आवको पहिलो महिना साउनमै २३ प्रतिशतले बढेको छ । बैंक तथा वित्तीय संस्थाबाट ऋण लिएका पर्यटन क्षेत्रका ऋणीलाई राष्ट्र बैंकले राहत दिएकोमा ऋण पाउने पर्यटन व्यवासायी उत्साहित पनि छन् ।

ठूला पर्यटन व्यवसायीले ऋण लिएका, पुनरकर्जा पाएका र राष्ट्र बैंकबाट ऋण तिर्न सहुलियत तथा राहत पनि पाएको भएपनि साना व्यवसायीले भने यस्तो सुबिधा केही पाएका छैनन् । सानाले पनि राहत पाउनुपर्ने आवाज पर्यटन व्यवसायीले उठाएका छन् । व्यवसायीहरूका अनुसार सानाले ऋण नै लिएका नहुने हुँदा ठूला व्यवसायीलाई मात्रै राहत हुँदा साना व्यवसायी मर्कामा परेको भन्दै आवश्यक राहत र व्यवसायिक सहजीकरणको माग गरेका छन् ।

यस्तो छ, निर्देशन