बिहीबार १७ असोज, २०८१ | Thursday Oct 03, 2024
काठमाडौँ । धितोपत्र बोर्डका नवनियुक्त अध्यक्ष रमेश हमालले बित्तीय साक्षरताका क्षेत्रमा धेरै काम गरेर शेयर लगानीकर्ताहरूलाई सु–सुचित गर्ने बताए ।
उनले साक्षरताकै अभावमा लगानीकर्ताहरू हल्ला गर्ने वा हल्लाको पछी लाग्ने देखिएको बताए । त्यस्तै ठूलो ‘मार्केट मेकर’ को अभाव देखिएको उनको भनाई थियो ।
आज अध्यक्ष हमाल र सिईओ कार्कीको स्वागतमा आज अर्थमन्त्रालयमा आयोजित कार्यक्रममा उनले उक्त अभिव्यक्ति दिएका हुन् ।
सोही कार्यक्रममा नेप्सका नवनियुक्त प्रमुख कार्यकारी अधिकृत कृष्णबहादुर कार्कीले लगानीकर्ताको गुनासो नआउने गरी काम अगाडि बढाउने प्रतिबद्धता जनाए ।
