चाडपर्वको छुट्टिमा राजधानी वरपर ‘हाइकिङ'मा जाने हो ? यस्ता छन् चर्चित ‘हाइकिङ ट्रेल’हरु

काठमाडौं । काठमाडौंवरिपरि धेरै हाइकिङ ट्रेल छन् । चाडपर्वमा यस्ता हाइकिङ ट्रेलहरु मुख्य आकर्षण बन्ने गरेका छन् । काठमाडौंवरिपरि रहेका हाइकिङ ट्रेलहरुमा बिहान निस्केर हाइकिङ गरिसकेर बेलुका घर फर्कन सकिन्छ । कोरोना महामारीका कारण मानिसहरुमा हाइकिङ जाने, ड्राइ पिकनिक जाने क्रम बढ्दो छ । महामारीमा लामोसमय घरभित्र बस्दाको पीडा भुलाउने माध्यम बनेको छ, हाइकिङ । 

मानिसहरु शनिबार अथवा छुट्टिको दिन पारेर काठमाडौं उपत्यकावरपरका डाँडातिर जान प्रायः मन पराउँछन् । हाइकिङ स्वास्थ्यका दृष्टिकोणले समेत फाइदाजनक छ । विशेषगरी चाडपर्वमा लामो यात्रामा जान पनि नसक्ने मानिसहरुका लागि काठमाडौं वरपरका हाइकिङ ट्रेलहरुले ध्यान खिचेको छ । 

वनजंगल, हिमाल, प्रकृति, वन्यजन्तु र चराचुरुङ्गी हेर्दै हाइकिङको मज्जा लिन केही चर्चित गन्तव्य यस्ता छन्ः

मच्छेगाँउ हुँदै चम्पादेवी मन्दिर हाइकिङ ट्रेलः
हाइकिङ दूरीः १५.६ किमि दक्षिणकाली रोड

काठमाडौं उपत्यकाको नजिकको हाइकिङ टे«ल हो, चम्पादेवी डाँडा । यो डाँडा छोटो रमाइलो पदयात्राका लागि उत्तम हाइकिङ ट्रेल हो । चम्पादेवी डाँडा चोभारको टौदहबाट हाइकिङ सुरु गरेर दक्षिणकाली मन्दिर, फर्पिङ हुँदै सोही ट्रेलबाट फर्किन सकिन्छ । 

साथै चम्पादेवीबाट विभिन्न हिमालहरु गौरीशंकर, लाङटाङ र अन्नपूर्णलगायतका हिमाल देख्न सकिन्छ ।उक्त क्षेत्रमा काठमाडौंलगायत विभिन्न ठाउँबाट मानिसहरु घुम्न, हाइकिङ गर्न आउने गरेको स्थानीय बसिन्दा बताउँछन् ।

लाँकुरी भञ्ज्याङ हाइकिङ ट्रेलः
काठमाडौं उपत्यकाबाट १५ किलोमिटर ललितपुरमा अवस्थित लाँकुरी भञ्ज्याङबाट काठमाडौं, भक्तपुर र ललितपुर तीनवटै शहरको उत्कृष्ट दृश्य हेर्नको लागि उपयुक्त ठाउँ हो जहाँ सल्ला, कटुस र लालीगुराँसहरु पाइन्छ । लाँकुरी भञ्ज्याङ पिकनिक स्थल र प्याराग्लाइडिङका लागि पनि खोलिएको छ । त्यसैले साहसीहरूका लागि पनि उपयुक्त ठाउँ हो । तीनवटै शहरका मानिसहरू यस ठाउँमा पिकनिकको आनन्द लिन्छ ।

नमोबुद्ध हाइकिङ ट्रेलः
नमोबुद्ध बौद्धमार्गीहरुको प्रमुख चार धाममध्येको एक हो । काठमाडौंबाट ४० किमि दुरीमा रहेको नमोबुद्ध हाइकिङको उपयुक्त ठाउँ हो । धुलिखेलबाट धार्मिकस्थल नमोबुद्धसम्म हाइकिङ गर्न सकिन्छ ।

नमोबुद्धमा धेरै पूरानो थ्रांगु ताशी याङ्त्से गुम्बा छ जुन नेपालको सबैभन्दा महत्वपूर्ण बौद्ध तीर्थस्थलहरूमध्ये एक हो । नमोबुद्धबाट गौरीशङ्कर, लाङटाङ, दोर्जे लाक्पा, गणेश, मनास्लुलगायतका हिमालहरु देख्न सकिन्छ ।

नगरकोटः
नगरकोट पनि एक हाइकिङ गर्न सकिनेमध्ये एक ठाउँ हो । पदयात्राको लागि नगरकोट राम्रो उपयुक्त हो । नगरकोटबाट सूर्योदय, सूर्यास्त र हिमालको अवलोकन गर्न सकिन्छ । काठमाडौंबाट ३२ किमि दुरीमा रहेको नगरकोटमा हाइकिङ गर्न सकिन्छ । उक्त क्षेत्रमा हाइकिङको मज्जा लिन साँखु, सुन्दरीजल, चाँगुनारायण, भक्तपुर, बनेपा र धुलिखेलबाट यात्रा गर्न सकिन्छ । 

साथै नगरकोट हाइकिङ रुटबाट सगरमाथा, मनास्लु, गणेश, लाङटाङ, जुगल, रोलवालिङ र नंबरलगायतका हिमालीहरु देखिन्छन् । काठमाडौं उपत्यका सांस्कृतिक ट्रेकिङ ट्रेल सुन्दरीजलबाट सुरु हुन्छ, काठमाडौंबाट छोटो बस वा ट्याक्सी चढेर, र चिसापानी २,१५० मिटर, ५ देखि साढे ५ घन्टा र त्यसपछि नगरकोट २,१६३ मिटर, ५ देखि ७ घन्टासम्म हाइकिङ गर्न सकिन्छ ।

शिवपुरी डाँडा हाइकिङ ट्रेलः 
काठमाडौंबाट नजिकको क्षेत्र शिवपुरी चर्चित हाइकिङ ट्रेल हो । शिवपुरीमा हाइकिङको लागि निकै भिड हुने गर्दछ । शिवपुरी–नागार्जुन राष्ट्रिय निकुञ्जभित्रको शिवपुरी डाँडामा पुग्ने तीनवटा ट्रेल छन् । बुढानीलकण्ठको पानीमुहानबाट निकुञ्ज प्रवेश गरेपछि दायाँ विष्णुद्वार (विष्णुमतीको मुहान) हुँदै डाँडामा पुगिन्छ । 

पानीको मुहानबाट सुरु गरिने हाइकिङ नागी गुम्बामा पुगिन्छ । त्यहाँ भ्यु टावर पनि रहेको छ । शिवपुरी–नागार्जुन राष्ट्रिय निकुञ्जमा पदयात्राका लागि आकर्षित छ । नगरकोट, गोसाइकुण्ड, हेलम्बु र लाङटाङ राष्ट्रिय निकुञ्ज जाने पदयात्रा मार्गहरू पनि निकुञ्जबाट जान्छन् । निकुञ्जभित्र हिन्दु र बौद्ध धर्मावलम्बीहरुको धेरै धार्मिक स्थलहरु रहेका छन् । 

फुलचोकीः 
फुलचोकी उपत्यकाको सबभन्दा अग्लो डाँडो रहेको छ । फुलचोकी काठमाडौं उपत्यकाको सबैभन्दा अग्लो उचाइमा छ । सबैभन्दा सुन्दर पदयात्रा ट्रेलहरूमध्ये एक हो । फुलचोकीमा विभिन्न थरिका चराहरू देख्न सकिन्छ । जोकोही फुलचोकी हाइकिङ जान सक्दैनन् । त्यस कारण यसलाई ‘टफ ट्रेल’ मानिन्छ । एकान्त र गाह्रो हुने भएकाले तुलनात्मक रूपमा यहाँ हाइकिङ जाने कम हुन्छन् । 

यद्यपि पैदल यात्रामा जान कठिन छ । गोदावरीबाट हाइकिङ ट्रेल सुुरु हुन्छ र फर्किंदा पनि सोही रुट प्रयोग गरिन्छ । त्यहाँ विभिन्न प्रजातिका सुनाखरी र गुराँससहितको वन छ । फुलचोकी हिउँदमा हिउँ खेल्न जाने ठाउँको रूपमा पनि चर्चित छ । त्यहाँबाट अद्भुत दृश्यहरूले हाइकिङमा जानेहरूलाई प्रकृतिको आनन्द दिन्छ । ट्रेलमा सिँढीहरू मिलेर बनेको धेरै सटकट मार्गहरू छन् । जति माथि चढ्नुहुन्छ, उति राम्रो दृश्य देख्न सकिन्छ । फुलचोकी डाँडाबाट सगरमाथा, गौरीशंकर, गणेश, लाङटाङ, मनासलु तथा अन्नपूर्ण हिमालहरु देख्न सकिन्छ ।

चन्द्रागिरिः
२,४७५ मिटर अधिकतम् उचाइमा रहेको चन्द्रागिरि चर्चित हाइकिङ ट्रेलमध्येमा पर्छ । काठमाडौंबाट नजिकमा रहेको चन्द्रागिरिसम्म हाइकिङ जान कीर्तिपुरको मच्छेगाउँबाट यात्रा सुरु गरेर छापडाँडा हुँदै चन्द्रागिरि पुगिन्छ र अर्को ट्रेल थानकोटको गोदामचौरबाट पनि पुगिन्छ । 

चन्द्रागिरि हिल्स नेपालको सबैभन्दा मनपर्ने गन्तव्यमध्ये एक हो । यो नेपालको एक प्रसिद्ध पदयात्रा गन्तव्य पनि हो । चन्द्रागिरिको मुख्य गन्तव्य हिमालको चुचुरो पनि हो, जहाँबाट हिमाली हिमश्रृङ्खलाका मनोरम दृश्यहरू देख्न सकिन्छ । चन्द्रागिरिबाट सगरमाथा, मकालु, कञ्चनजंघा, मनासलुलगायत हिमालहरु देखिन्छ ।