आइतबार १३ असोज, २०८१ | Sunday Sep 29, 2024
काठमाडौं । पूर्वप्रधानमन्त्री बाबुराम भट्टराईले देश लोडसेडिङमुक्त भनिए पनि अझै लोडसेडिङमुक्त नभएको बताएका छन् । जडित क्षमताको ३० प्रतिशत मात्रै विद्युत उत्पादन भई औद्योगिक क्षेत्रले लोडसेडिङको सामना गरिरहेको बेला उनले सामाजिक सञ्जालमार्फत लोडसेडिङ अन्त्यका लागि बुढीगण्डकी जस्ता जलाशययुक्त आयोजना निर्माण गर्नुपर्ने कुरालाई जोड दिएका छन् ।
भट्टराईले ‘देश लोडसेडिङ मुक्त भनेर सबै मक्ख पर्यौं?पारियौं, तर भित्री तितो यथार्थ अर्कै थियो । अहिले क्रमसः खुल्दैछ’ भन्दै बुढीगण्डकी चाँडै बनाउनुपर्ने बताएका छन् । उनले भनेका छन्, ‘यसको (लोडसेडिङको) दिगो समाधान भनेको कमसेकम एउटा ठूलो जलाशययुक्त योजना राज्य आफैंले छिटो पूरा गर्नु हो । त्यो भनेको बुढीगण्डकी परियोजना नै हो ! अब कुनै किन्तुपरन्तु नगरी छुट्टै बुढीगण्डकी जलाधार विकास प्राधिकरण (मातहत विभिन्न कम्पनी)गठन गरेर बुढीगण्डकी बहुउद्देश्यीय परियोजना छिटो निर्माण गरौं !’
विशेषगरी औद्योगिक क्षेत्रमा नेपाल विद्युत प्राधिकरणले गरिरहेको चर्को र अघोषित लोडसेडिङको उद्योगी व्यवसायीले चर्को आलोचना गर्दै आएका छन् । उनीहरुले लोडसेडिङ तालिका ननिकाल्दा आफूहरुले ठूलो क्षति समेत भोग्नुपरेको बताएका छन् ।
देश लोडसेडिंग मुक्त भनेर सबै मक्ख पर्यौं/पारियौं।तर भित्री तितो यथार्थ अर्कै थियो भन्ने अहिले क्रमशःखुल्दैछ!यसको दिगो समाधान भनेको कमसेकम एउटा ठूलो जलाशययुक्त योजना राज्य आफैंले छिटो पूरा गर्नु हो।त्यो भनेको बुढीगण्डकी परियोजना नै हो!अब कुनै किन्तुपरन्तु नगरी छुट्टै बुढीगण्डकी… https://t.co/PR9hSTsGUL
— Baburam Bhattarai (@brb1954) May 14, 2023
