आइतबार १३ असोज, २०८१ | Sunday Sep 29, 2024
काठमाडौं । डेभलपमेण्ट बैंकर्स एशोसियसन नेपाल र एसएआर एड्भाइजर्सको संयुक्त आयोजना र ई एण्ड वाई श्रीलंकाको सहयोगमा ‘एनएफआरएस-९ तालिम’ तालिम सम्पन्न भउको छ । उक्त कार्यक्रमको उद्घाटन नेपाल राष्ट्र बैंक, वित्तीय संस्था सुपरिवेक्षण विभागका कार्यकारी निर्देशक विष्रुत थापाले गरेका हुन् ।
एशोसियसनका अध्यक्ष सुयोग श्रेष्ठको अध्यक्षतामा भएको उक्त कार्यक्रमको उद्घाटन सत्रमा इन्ष्टिच्यूट अफ चार्टड एकाउन्टेन्ट्स नेपालका पूर्वअध्यक्ष सुनिर ढुंगेल तथा एशोसियसनका पदाधिकारीहरुको समेत उपस्थिति थियो ।
उक्त तालिम ई एण्ड वाई श्रीलंकाका साझेदार रजिथ पेरेराले दिइरहेका छन् । ३ दिनसम्म चल्ने उक्त तालिममा बिकास बैंकका वित्त, लेखापरीक्षण आदि विभागका कर्मचारीहरुको सहभागिता रहेको छ । कार्यक्रमको तेस्रो दिन बिकास बैंकका प्रमुख कार्यकारी अधिकृतहरुलाई समेतलाई प्रशिक्षण दिने कार्यक्रम तय गरिएको छ ।
नेपालका बैंक तथा वित्तीय संस्थामा एनएफआरएस लागू भइसकेको छ । एनएफआरएस–९ लागू हुने चरणमा रहेकाले त्यसैको तयारीका लागि डेभलपमेण्ट बैंकर्स एशोसियसनले यस्तो अग्रसरता लिएको हो ।
उक्त अवसरमा नेपाल राष्ट्र बैंकका कार्यकारी निर्देशक थापाले एशोसियसनले योजनाबद्धरुपमा आप्mना सदस्य बैंकहरुलाई एनएफआरएस–९ को आवश्यक तयारी गर्न गराउनको लागि विशेष पहल गरेको देख्दा खुशी लागेको बताउँदै नियमनकारी निकायको निर्देशनमा मात्र भर पर्नु भन्दा पनि यसरी आफँै अग्रसर भइ कार्य गर्दा सबैलाई राम्रो हुने बताए ।
इन्ष्टिच्यूट अफ चार्टड एकाउन्टेन्ट्स नेपालका पूर्व अध्यक्ष ढुंगेलले कार्यक्रमको सफलताको शुभकामना दिंदै बिकास बैंकहरुका लागि आवश्यक पर्ने ज्ञान आदान प्रदान गर्न आफुहरु सदैव तत्पर रहेको बताए ।
एशोसियसनमा अध्यक्ष श्रेष्ठले एनएफआरएस–९ का बारेमा वित्त विभागका कर्मचारीले मात्र बुझेर नपुग्ने, त्यस्का लागि व्यवसाय विभाग, कर्जा विभाग, उच्च व्यवस्थापनका कार्यकारीहरु लगाएतले जान्न र बुझ्नु पर्ने बिषय भएकाले सुझाबका र आवश्यक्ताका आधारमा थप कार्यक्रम गर्दै जाने बताए ।
