शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । काठमाडौं महानगरपालिकाले कक्षा ११ को लागि आव्हान गरेको अनलाइन छात्रवृत्ति आवेदनमा दुई हजार ४४३ जनाले आवेदन दिएकोमा एक हजार ४२० जनाको मात्रै स्वीकृत भएको छ ।
महानगरले असार २८ देखि साउन ८ गतेसम्म समय दिएर आव्हान गरेको अनलाइन आवेदनमा सबैभन्दा सबैभन्दा धेरै आवेदक विज्ञान विषयका छात्र एक हजार २०६ जना र छात्रा ५२९ जना छन् ।
त्यस्तै, व्यवस्थापन विषयका छात्रको संख्या ३४९ जना र छात्रा २१० छन् भने प्राविधिक विषयका लागि ४९ जना छात्र र ४८ जना छात्रा छन् । कानुन विषयका लागि २३ जना छात्रा र १६ जना छात्र, शिक्षामा पाँच जना छात्रा र चार जना छात्र, मानविकीमा सबैभन्दा न्यून दुई जना छात्र र दुई जना छात्राको आवेदन परेको छ ।
महानगरका शिक्षा विभाग प्रमुख सीताराम कोइरालाले साउन दोस्रो हप्तासम्म कुन उच्च माध्यमिक विद्यालयमा कति संख्यामा छात्रवृत्ति प्राप्त भयो ? साउन १२ गते सार्वजनिक गर्ने बताए ।
विद्यालयहरुबाट चारित्रिक प्रमाण पत्र आउन ढिलाइ हुने गुनासो आएकाले चारित्रिक प्रमाण पत्र विना पनि आवेदन दिन सकिने प्रबन्ध मिलाइएको उनले बताए ।
विद्यार्थीहरुले छात्रवृत्ति आवेदन दर्ता साउन १२ गते राती १२ बजेसम्म गराउन मिल्ले व्यवस्था गरिएको छ ।
