शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । रिद्धि सिद्धि सिमेन्टले आफ्नो व्यवसायिक सामाजिक उत्तरदायित्व अन्तर्गत मकवानपूर जिल्लाका १०९ जनालाई छात्रबृत्ति प्रदान गरेको छ । कम्पनीले ‘मकवानपूर स्मार्ट स्टूडेण्ट अफ द इएर २०८०’ को छात्रवृत्ति प्रदान गरेको हो ।
यसैक्रममा रोबोटिक ल्याबमा बनेको स्मार्ट सिमेन्ट रिद्धि सिद्धि सिमेन्टले लिखित परीक्षा तथा दौड प्रतियोगिता मार्फत पिप्ले रंगशालामा बृहत कार्यक्रम आयोजना गरेको हो । कार्यक्रममा मकवानपुर जिल्लाबाट एसईई परीक्षामा ४ जिपिए ल्याउनु भएकी डौफिन राईका मगरलाई सम्मान स्वरूप नगद रु. १०,००१ प्रदान गरिएको थियो ।
छात्रवृत्तिका कार्यक्रम अन्तर्गत कम्पनीले पहिलो हुने विद्यार्थीलाई मासिक रुपमा रु. ५०००/–, दोश्रो हुनेलाई रु. ३५००/–, तेश्रो हुनेलाई रु. २५००/– र सान्त्वना स्वरुप थप ८ विद्यार्थीलाई मासिक रुपमा रु. १५००/– एक वर्षसम्म उपलब्ध गराउने छ ।
एसईई परीक्षामा उपलब्ध अंक, दौड प्रतियोगिता साथै आईक्यू परीक्षामा सोधिएका सम्पूर्ण अंकहरु जोडी उत्कृष्ट ११ स्मार्ट विद्यार्थीहरु चुनिने छन् ।
उक्त कार्यक्रममा भाग लिएका विद्यार्थीहरुको नतिजा भदौ १ गते प्रकाशित गरिने कम्पनीले जनाएको छ ।
