शनिबार १२ असोज, २०८१ | Saturday Sep 28, 2024
काठमाडौं । एशियन लाइफ इन्स्योरेन्सले ६ अर्ब ८४ करोड २ लाख रुपियाँ खुद बीमा शुल्क आर्जन गरेको छ ।
कम्पनीले आज आर्थिक बर्ष २०७९/८० को चौथो त्रैमासको वित्तीय विवरण प्रकाशित गर्दै उक्त तथ्याङ्क सार्वजनिक गरेको हो । कम्पनीले अघिल्लो वर्षको सोही अवधिमा भने ६ अर्ब ८३ करोड ३५ लाख रुपियाँ खुद बीमा शुल्क आर्जन गरेको थियो ।
गत आर्थिक वर्षमा कम्पनीले दुई अर्ब ८५ करोड रुपियाँ खुद दाबी भुक्तानी गरेको छ भने अघिल्लो वर्षको यसै अवधिमा एक अर्ब ५७ करोड गरेको थियो ।
कम्पनीको जगेडा कोषमा २९ करोड १३ लाख रुपियाँ छ भने चुक्ता पुँजी तीन अर्ब १५ करोड रुपियाँ कायम भएको छ ।
एक आर्थिक वर्षमा कम्पनीको खुद नाफा २४ करोड रुपियाँ बढी छ । अघिल्लो आर्थिक वर्षको सोही अवधिमा कम्पनीले २९ करोड १५ लाख ६४ हजार नाफा गरेको थियो ।
