बुधबार २१ कात्तिक, २०८१ | Wednesday Nov 06, 2024
काठमाडौं । माण्डु हाइड्रोपावर लिमिटेडले भदौ १० गते आइताबारदेखि निष्काशन खुला गरेको आईपीओमा आवेदन दिने भदौ १३ गते बुधबार अन्तिम दिन हो ।
उक्त कम्पनीको आईपीओका लागि इच्छुक लगानीकर्ताहरुले बुधबार कार्यालय समयभित्र आवेदन दिन सक्ने छन् ।
कम्पनीले सर्वसाधारणलाई १२ लाख ५ हजार ३ सय २० कित्ता आईपीओ निष्काशन गरेको बिक्री प्रबन्धक प्रभु क्यापिटलले जनाएको छ ।
कम्पनीले अंकित मूल्य १०० रुपियाँमा १०६ रुपियाँ प्रिमियम थपेर प्रतिकित्ता रु। २०६ मा आईपीओ बिक्री गर्न लागेको हो ।
सर्वसाधारणका लागि छुट्याइएको आईपीओ एक लाख २० हजार ५ सय ३२ जनाले १०–१० कित्ता पाउने छन् ।
कम्पनीले यसअघि नै आयोजना प्रभावित र श्रम स्वीकृति लिई विदेशमा रहेका नेपाली नागरिकको लागि आईपीओ बिक्री गरिसकेको छ ।
कम्पनीले मकवानपुरको इपामा २२ मेगावाट क्षमताको बागमती नदी जलविद्युत आयोजनाको निर्माण गरी सञ्चालन गरिरहेको जनाएको छ ।
