शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । पूर्व अर्थमन्त्री जनार्दन शर्माले हाम्रा दुई विशाल छिमेकी भारत र चीनमा आर्थिक विकास द्रुत गतिमा भइरहेको बताउँदै त्यसबाट हामीले पनि सिक्नु पर्ने बताएका छन् ।
नेकपा माओवादी केन्द्रका नेतासमेत रहेका उनले आज राजधानीमा आयोजित कार्यक्रममा उक्त कुरा बताएका हुन् । उनले भने, ‘आज बाटो बनाउने भोलि भत्काउने’ खालको विकासले हामी कहीं पुग्दैनौं ।
शर्माको भनाईको सम्पादित अंशः
हाम्रो प्रयासहरुलाई बढाउनु पर्न आवश्यकता छ । लगानी भन्दा पनि हामीलाई चुनौतीहरु छन् । हामी एउटा यस्तो रणनितीक भुगोलमा छौं । यसको प्रभाब एक देशबाट आएको लगानी अर्को देश सशंकित हुन्छ । यसको कारण हाम्रो आर्थिक कुटनीती कमजोर हुनु हो । हामीले त्यो कुरा बुझाउन सकिरहेको छैन् । त्यसले गर्दा त्यही लगानी पनि समस्याको रुपमा देखिने अवस्था हो । यद्यपी अहिले हाइड्रो पावर लगायतका क्षेत्रहरु, केही सडक पूर्वधारहरुमा लगानीहरु आइरहेको छ । तर त्यो अपर्याप्त छ । आएकोमा पनि एक अर्कालाई सन्तुलन गर्न हामीलाई गाह्रो छ । त्यसकारण हामीले सन्तुलित एउटा परराष्ट्रनीतीलाई आत्मसाथ गर्दै सबै ठूला र विदेशी राष्ट्रहरुसँग मैत्रीपूर्ण सम्बन्ध राखेर मात्र हामी अगाडि बढ्न सक्छौ । त्यो भन्दा अर्को बिकल्प हामीसँग छैन् ।
बिगतदेखि हामीले लिदै आएको सन्तुलनताको नीती छm त्यो त्यतिकै लिएको हैन् । ठूला ठूला राष्ट्रहरुको बीचमा उनीहरुको विकास, सम्वृद्धि, प्रविधि, विज्ञताबाट हामीले फाइदा लिन सकिरहेका छैन् । हामीले फाइदा लिनु सक्नु पर्थ्यो । द्रुत रुपमा आर्थिक विकास भैरहेको छ । त्यसबाट हामीले सिक्न सकिरहेका छैनौं । हाम्रा छिमेकीहरुसँगको सम्बन्ध सुदृढ बनाएर उनीहरुबाट हामीले बढी भन्दा बढी लाभ लिन पर्थो । कतै हाम्रो प्रयासहरु कमी छन् । यिनीहरुलाई विश्वस्थ बनाएर हाम्रो राष्ट्रको विकास र सम्वृद्धिको पक्षमा फाइदा लिन पर्थ्यो त्यो कुरा भैरहेको छैन् ।
यस्ता राम्रा क्षेत्रहरु छन् हामीसँग लुम्बिनीकै मार्केटिङ गरे पनि, सगरमाथा, मुक्तिनाथकै मार्केटिङ गरे पनि धेरै लाभ लिन सकिन्छ । तर हाम्रो ध्यान त्यहाँ पुगिरहेको छैन् । हामी विकासको कुरा गरिरहेका छौ, आज बाटो खन्ने भोलि त्यो बाटो टाल्ने । आज बाटो बनाउने भोलि भत्काउने फेरी त्यसलाई थप्ने । यो विकासले देश अगाडि बढ्न्न सक्ने अवस्था छैन् । रणनीतीक रुपले हामीले आर्थिक विकासलाई धक्का दिने खालका त्यस्ता क्षेत्रहरुको छनोट गरी अगाडि बढ्नु पर्ने लगानी केन्द्रित गर्नु पर्ने आवश्यकताहरु त्यसमा छ ।
अब हामी कहाँ आउने रेमिटेन्सको सदुपयोग गर्दा पनि लगानीमा महत्वपूर्ण कार्य गर्न सकिन्छ । हामीले विकास र प्रविधिका क्षेत्रमा विकसित राष्ट्रबाट धेरै कुरा सिक्नै पर्ने हुन्छ । उनीहरुको सहयोह पनि आवश्यक हुन्छ अमेरिका, भारत, चाइना, जापान जस्ता मुलुकबाट विकासको परियोजना ल्याउन आवश्यक छ जस्तो मलाई लाग्छ ।
