शुक्रबार ३० कात्तिक, २०८१ | Friday Nov 15, 2024
शुक्रबार ३० कात्तिक, २०८१ | Friday Nov 15, 2024
काठमाडौं । निमा रिन्जी शेर्पाले विश्वको सातौं अग्लो हिमाल धौलागिरी (८,१६७ मिटर)को सफल आरोहण गरेका छन् ।
उनले आज सफल आरोहण गरेको सेभेन समिट ट्रेक्सले जानकारी दिए । १७ वर्षको उमेरमा केटु हिमालको सफल आरोहण गरी विश्वमै सबैभन्दा कान्छो आरोही बनेका शेर्पा विश्वका आठ हजार मिटरभन्दा अग्ला १४ वटा हिमालहरु आरोहण गर्ने लक्ष्य रहेको कम्पनीको भनाई छ ।
विश्वका आठ हजार मिटरभन्दा अग्ला १४ वटा हिमालहरु मध्ये शेर्पाले अब पाँच वटा हिमालहरु मात्र आरोहण गर्न बाँकी छ । शेर्पाले केटु, ब्रोडपिक, गासरब्रम– १, गासरब्रम– २, नङ्गा पर्वत, मनास्लु, अमा दब्लम, सगरमाथा, ल्होत्से, धौलागिरी लगायत हिमालहरु सफल आरोहण गरिसकेका छन् ।
उनले १० घण्टाभित्र सगरमाथा र ल्होत्से आरोहण गर्ने सबैभन्दा कान्छो आरोही पनि बनेका हुन् । त्यस्तै, शेर्पाले १६ वर्षको उमेरमा मनास्लु हिमालको सफल आरोहण गरेसँगै उनी मुख्य चुचुरोमा पुग्ने सबैभन्दा कान्छो आरोही पनि बनेका थिए ।
सेभेन समिट ट्रेक्स कम्पनीबाट आरोही तथा गाइडहरु गरी १३ जनाले सफल आरोहण गरेका हुन् । उक्त हिमालको चुुचुरो सम्म रोप फिक्सिंगसगैं यस वर्ष (सिजन)को लागि धौलागिरी हिमालको आरोहण सुरु भएको छ ।
