शनिबार १ मंसिर, २०८१ | Saturday Nov 16, 2024
शनिबार १ मंसिर, २०८१ | Saturday Nov 16, 2024
काठमाडौं । खराब मौसमका कारण धावनमार्ग नदेखिएपछि त्रिभुवन अन्तर्राष्ट्रिय विमानस्थलमा अवतरण गर्नैलाग्दा कतार एयरवेजको जहाजलाई ओभरसुट गर्नुपरेको छ ।
रनवे भिजिविलिटी रेन्ज (आरभीआर) कम हुँदा कतार एयरवेजको जहाजलाई ओभरसुट गर्नुपरेको हो । कतार एयरको उडान नं. ६८४ नम्बरको यो जहाज दोहाबाट काठमाडौं आएको थियो ।
बुधबार बिहान सवा सात बजे अवतरण गर्न लाग्दा धावनमार्ग राम्रो नदेखिएपछि ओभरसुट गरे पनि केही समयपछि पुनः अवतरण गरेको त्रिभुवन विमानस्थल कार्यालयले जनाएको छ ।
खराब मौसमका कारण आज बिहानैदेखि आन्तरिक उडानहरु प्रभावित भएको बेला अन्तर्राष्ट्रिय उडानमा समेत प्रभाव परेको हो ।
