बिहीबार २९ कात्तिक, २०८१ | Thursday Nov 14, 2024
काठमाडौं । विद्यार्थीहरुलाई शैक्षिक भ्रमण गराएर फर्किँदै गरेको बस आइतबार इलामको कन्याम पुगेर फर्कदै गर्दा रोङ गाउँपालिका– ३ कोल्बुङमा दुर्घटना भएको छ ।
धनुषाको जनकपुरबाट इलाम पुगेको बस आज अपरान्ह दुर्घटना भएको हो । जिल्ला प्रहरी कार्यालय इलामका अनुसार ना ६ ख ८४२४ नम्बरको बस मेची राजमार्गबाट करिब तीन सय मिटर तल खसेको छ ।
बसमा ३७ जना सवार रहेको जनाइएको छ । तीमध्ये ३६ जनाको उद्दार गरी उपचारका लागि विर्तामोड पठाइएको र बसमा च्याप्पिएका एक विद्यार्थीलाई निकाल्ने प्रयास भइरहेको जनाइएको छ । घाइते केही विद्यार्थीको अवस्था गम्भीर रहेको प्रहरीको भनाई छ ।
