शुक्रबार २ कात्तिक, २०८१ | Friday Oct 18, 2024
काठमाडौं । राष्ट्रिय वाणिज्य बैंकको प्रमुख कार्यकारी अधिकृत (सीईओ) पदमा देवेन्द्ररमण खनाल नियुक्त भएका छन् ।
सञ्चालक समितिको आज बसेको बैठकले खनाललाई ४ वर्षका लागि सीईओ नियुक्त गर्ने निर्णय गरेको कम्पनी सचिव हेमराज खरेलले जनाएका छन् ।
खनाल बैंकको कामुु सीइओका रुपमा कार्यरत थिए । करीब दुई दशकदेखि बैंकिङ क्षेत्रमा आवद्ध रहेका उनी चार्टर्ड एकाउन्टेन्ट हुन् ।
बैंकको सीईओ पदका ‘सर्ट लिस्ट’ परेका पाँच जना मध्ये खनालले बाजी मारेका हुन् । सर्टलिस्टमा कृष्णबहादुर अधिकारी, देवेन्द्ररमण खनाल, प्रकाशचन्द्र अधिकारी, विष्णुदेव यादव र शंकर केसी परेका थिए ।
तत्कालीन सीईओ किरणकुमार श्रेष्ठको दोस्रो कार्यकाल पूरा भएपछि सीईओ पद रिक्त भएको थियो । नव नियुक्त सीईओ खनाल गोरखा निवासी हुन् ।
