आइतबार ६ असोज, २०८१ | Sunday Sep 22, 2024
काठमाडौं । अमेरिकी पूर्वराष्ट्रपति डोनाल्ड ट्रम्पमाथि गोली प्रहार भएको छ ।
पेन्सिल्भेनियामा भएको एक र्यालीमा बोल्दै गर्दा अचानक उनीमाथि गोली प्रहार भएको हो ।
उनी सकुशल रहेको अन्तर्राष्ट्रिय मिडियाले उल्लेख गरेका छन् ।
घटनापछि ट्रम्पको दाहिने कानबाट रगत निस्किएको छ । र्यालीमा धेरै पटक गोली चलेको आवाज सुनिएको थियो ।
आवाज सुनेपछि गुप्तचर सेवाका एजेन्टहरूले उनलाई तुरुन्तै स्टेजबाट हटाए र कारमा लगेका थिए ।
प्रत्यक्षदर्शीका अनुसार उनीमाथि करिब ३०० यार्ड परबाट राइफलबाट गोली हानिएको थियो ।
ट्रम्पमाथि गोली चलाउने व्यक्तिलाई सुरक्षाकर्मीले गोली हानेर मारेका बीबीसीले उल्लेख गरेको छ । उक्त घटनामा अर्का एक सर्वसाधारण व्यक्तिको पनि मृत्यु भएको बताइएको छ ।
