राशिफलः आज (भदौ १२) तपाइँको पेशा, व्यवसाय, शेयर कारोबार कस्तो रहला ?

ज्यो. गुरु दिवाकर पन्त
आज वि.सं.२०८१ साल भदौ महिनाको १२ गते बुधबार, भाद्र कृष्णपक्षको दशमी तिथि ।

मेष
बोली प्रभावकारी हुनेहुँदा अड्केका काम अघि बढ्ने छ । आर्थिक अवस्था सहज नै रहने छ । समय अनुकुल रहेको छ । पेशागत जीवनमा नयाँ गति प्राप्त हुने छ । परिवारमा भने तनावको वातावरण सृजना हुँदा मनमुटाव बढ्न जाने देखिन्छ । शेयर क्षेत्र भने औसत रहने छ ।

मिथुन 
नयाँ काम शूरु गर्न परिवारको साथ मिल्ने छ । पेशागत क्षेत्रमा आफ्नो भुमिकाको कदर हुने र थप जिम्मेबारी प्राप्त हुने छ । बोलीको प्रभाव बढ्ने छ । यात्रामा भने कठिनाईको सामना गर्नु पर्ने छ । आम्दानीमा आंशिक बृद्धि देखा पर्ने छ । पैतृक सम्पत्तिमा किचलो हुने छ । शेयर क्षेत्र प्रतिकुल देखिन्छ ।

कर्कट
आफन्तहरुसँग मनमुटाव र दुरी बढ्ने छ । छिमेकीहरुसँग द्वन्द बढ्न जाने छ । असजिलो परिस्थितिमा पनि मनोबल भने उच्च रहने छ । रिस धेरै हुँने हुँदा यसका बारेमा संयमित हुन नसके झैझगडाका क्रमहरु धेरै देखा पर्ने छ । पेशागत जीवन संघर्षमय रहने छ । शेयर क्षेत्र औसत खालको रहने छ ।

सिंह
स्वास्थ्य समस्या निम्तिने छ । तामसी खानेकुराहरु तर्फ रुचि बढ्ने छ । पेशागत जीवनमा उतार चढावको सामना गर्नु पर्ने छ । आम्दानीमा पनि गिरावट आउने छ । यसले आर्थिक व्यवस्थापनमा जटिलता थप्ने छ । आफन्तहरुसँग बिबाद चर्किने छ । शेयर क्षेत्र कठिन रहने छ ।

कन्या
चालेका कदम अघि बढ्ने छन् । परिवारमा मधुरता र एक अर्कामा सहयोग गर्ने वातावरण रहने छ । समय औसत प्रकृतिको रहने छ । दृढता भने कायम रहने छ । प्राकृतिक विषयवस्तुले आकर्षित तुल्याउने छन् । पेशागत जीवन औसत खालको रहने छ । आर्थिक रुपमा समय औसत खालको रहने छ । शेयर क्षेत्र औसत रहने छ ।

तुला
पैतृक सम्पत्तिका विषयमा बिबाद चर्किने छ । आफूले विश्वास गरेकाहरुसँग सतर्क रही पाइला चाल्नु पर्ने देखिन्छ । पेशागत जीवनमा आरोप प्रत्यारोपको अवस्था आउने भएकाले सतर्क रहनु नै ठिक हुने छ । मनोबलमा कमि आउने छ । आर्थिक असन्तुलन पैदा हुने छ । शेयर क्षेत्रबाट भने केही लाभ प्राप्त हुने छ ।

वृश्चिक
आम्दानीमा केही बृद्धि हुने छ । यात्राबाट मनोरञ्जन लिन मन लाग्ने छ । बोलीमा प्रभावकारीपना आउँदा अरुको विश्वास जित्न सकिने छ । साथिभाइको साथले बिगतको कटुता सामान्यतर्फ जाने छ । सवारीसाधन जन्य विषयमा जोखिम रहेकाले सतर्क रहनु होला पेशागत जीवन औसत खालको हुने छ । शेयर बजार अनुकुल रहने छ । 

धनु 
चलिरहेको झमेलामा जीत हुने छ । रमाइलो खालको व्यक्तित्व हुने छ । प्रेममा सफलता प्राप्त हुने छ । पेशागत जीवनमा केही लाभको अवस्था रहने छ । शिक्षासँग सम्बन्धित विषयमा बादबिबाद हुने देखिएको छ । विदेश यात्रामा समस्याहरु देखा पर्ने छ । शेयर क्षेत्र भने जोखिमयुक्त रहने छ ।

मकर 
आकस्मिक लाभ प्राप्त हुने छ । बौद्धिक खालको व्यक्तित्व हुने छ । अकस्मात यात्रा हुने छ । सामाजिक जीवनमा महत्व बढ्न पुग्ने छ । आर्थिक आम्दानीमा बृद्धि हुने छ । पेशागत जीवनमा पदोन्नति तथा उन्नति प्रगतिको अवस्था छ । परिवारमा समन्वय र प्रेम बढ्ने छ । शेयर क्षेत्र औसत रहने छ ।

कुम्भ 
अरुबाट कदर हुने छ । कमाईमा निरन्तर बृद्धि हुने छ । पेशागत जीवनमा सकारात्मक नतिजा प्राप्त हुने छ । धार्मिक आध्यात्मिक स्वाभावमा बृद्धि हुने छ । पारीवारिक जीवनमा भने अन्योलता कायम नै रहने छ । आफन्तजनले कठिनाई सामना गर्ने छन् । आँट र भरोषामा बृद्धि हुने छ । स्वास्थ्य अवस्थामा भने कमजोरी देखिने छ । शेयर क्षेत्र प्रतिकुल देखिन्छ । 

मीन
आर्थिक कमजोरीले गर्दा ऋण लिनुपर्ने अवस्था आउने छ । पेशागत जीवनमा कठिनाईहरुको सामना गर्नु पर्ने र दोषारोपणको आरोप खेप्नु पर्ने छ । समय जोखिमपूर्ण देखिन्छ । प्रेममा असफलता हात लाग्ने छ भने दाम्पत्य जीवनमा पनि बिबाद देखा पर्ने छ । साथिभाइको भने साथ पाइने छ । शेयर क्षेत्र प्रतिकुल रहने छ ।

(गुरु पन्त ज्योतिषी, पण्डित, वास्तुविद्, आध्यात्मिक उत्प्रेरक, रत्नविद् एवं हस्तरेखाविद् हुन् । सम्पर्क– ९८४१५२७५१०)