आइतबार १३ असोज, २०८१ | Sunday Sep 29, 2024
काठमाडौं । काठमाडौंको नागढुंगानजिकै झ्याप्लेखोलामा गएको पहिरोमा थप एउटा बस पुरिएको अवस्थामा फेला परेको छ ।
पुरिएको अवस्थामा फेला परेको बस निकाल्ने प्रयास जारी छ ।
शुक्रबार बिहान ७ बजे गोरखाको लापुबेसीबाट काठमाडौंका लागि छुटेको ना ४ ख २२७० नम्बरको दरौंदी यातायातको बस सम्पर्कविहीन भएको थियो । पुरिएको अवस्थामा फेला परेको सोही बस हुन सक्ने आशंका गरिएको छ ।
बसमा चालकसहित चार जना कर्मचारी सवार थिए । उनीहरू काठमाडौँबाट मानिस ल्याउनका लागि गएका थिए ।
दरौंदी यातायात सेवा प्रालिकाका अध्यक्ष नारायण खत्रीका अनुसार शुक्रबार राति करिब १० बजे धादिङको खानीखोलासम्म सम्पर्कमा थियो । बस त्यसयता सम्पर्कविहीन बनेको छ ।
