मङ्गलबार १५ असोज, २०८१ | Tuesday Oct 01, 2024
काठमाडौं । नेप्सेमा सूचीकृत दुई कम्पनीको शेयर मूल्य समायोजन भएको छ । एक लघुवित्त र एक बीमा कम्पनीको शेयर मूल्य समायोजन भएको हो ।
यसैक्रममा प्रभु महालक्ष्मी लाइफ इन्स्योरेन्स लिमिटेडले १० प्रतिशत बोनस शेयर दिने भएपछि प्रतिशेयर मूल्य रु. ५५० कायम गरिएको छ । यसअघि रु. ६०५ थियो ।
त्यस्तै गुराँस लघुवित्त वित्तीय संस्थाले शेयरधनीहरुलाई १४.२५ प्रतिशत बोनस शेयर दिने भएपछि प्रतिशेयर मूल्य रु. १५९१.९५ कायम गरिएको छ । यसअघि रु. १८१८.८० थियो ।
समायोजन गरिएको मूल्यबाट बुधबारदेखिनै दुबै कम्पनीको शेयर कारोबार शुरु हुने नेप्सेले जनाएको छ ।
