बुधबार १६ असोज, २०८१ | Wednesday Oct 02, 2024
काठमाडौं । अपि पावर कम्पनी लिमिटेडको वार्षिक साधारणसभा र बुक क्लोजको मिति हाललाई स्थगित भएको छ ।
नियामक निकाय विद्युत नियमन आयोगले कम्पनीले घोषणा गरेको लाभांशमा पुनरवलोकन गर्नुपर्ने बताएकाले हाललाई वार्षिक साधारण सभा लगायतका प्रक्रिया स्थगित भएका हुन् ।
कम्पनी सञ्चालक समितिको असोज १५ गते बसेको बैठकको निर्णयले सभा हाललाई स्थगित गर्ने निर्णय गरेको छ ।
यसअघि कम्पनीले आव २०८०–८१ को नाफाबाट ९ प्रतिशत बोनस शेयर र कर प्रयोजनका लागि ०.४७ प्रतिशत नगद लाभांश घोषणा गरेको थियो ।
लाभांश पारित गर्न आगामी कात्तिक १ गते वार्षिक साधारणसभा डाकेको थियो भने असोज १६ गते बुक क्लोज मिति तोकेको थियो ।
