मङ्गलबार ६ कात्तिक, २०८१ | Tuesday Oct 22, 2024
काठमाडौं । श्रम, रोजगार तथा सामाजिक सुरक्षा मन्त्रालयअन्तर्गतको वैदेशिक रोजगार बोर्ड सचिवालयले मुद्दती निक्षेपमा लगानी गर्ने भएको छ ।
सचिवालयअन्तर्गतको वैदेशिक रोजगार कल्याणकारी कोषमा रहेको १ अर्ब १० करोड १ वर्षका लागि मुद्दतीमा राख्न चाहेको हो ।
उक्त रकम लिन चाहने ‘क’ वर्गका वाणिज्य बैंकहरूले आफूले लिन चाहेको रकम तथा उक्त रकमका लागि प्रस्तावित ब्याजदरसहित शिलबन्दी पेश गर्नुपर्नेछ ।
शिलबन्दी कात्तिक १२ गते, मध्यान्ह १२ बजेसम्म सचिवालयमा पेश गर्न सक्नेछन् ।
पेश हुन आएका शिलबन्दी प्रस्ताव सोही दिन साढे ५ बजे खोलिने सचिवालयले जनाएको छ ।
