मङ्गलबार ६ कात्तिक, २०८१ | Tuesday Oct 22, 2024
काठमाडौं । शेयर बजार दुई दिनमै १०५ अंकले तल झरेको छ । गत कात्तिक १ गते विहीबार झिनो अंकले उचालिएको शेयर बजार यो साताको पहिलो दिन हिजो र आज दुबै दिन उच्च अंकले घटेको हो ।
नेपाल स्टक एक्सचेञ्ज लिमिटेड (नेप्से) का अनुसार आज बजार ५७.९९ अंकले तल झरेको छ । २.१४ प्रतिशतले बजार घट्दा नेप्से परिसूचक २६३९.९२ अंकमा ओर्लिएको छ । नेप्से तल झरेसँगै कारोबार रकम पनि घटेको छ ।
बजार ओरालो झरेसँगै आज सबै समूह राताम्मे भएका छन् । फाइनान्स समूह सबैभन्दा बढी ३.३८ अंकले घटेको हो ।
आज ३१९ कम्पनीका १ करोड ३८ लाख ६३ हजार ४ सय ४३ कित्ता शेयर किनबेच हुँदा ५ अर्ब ९० करोड ७ लाख ९१ ह्जार ४४.४८ रुपियाँ बराबरको कारोबार भएको हो ।
बजार समग्रमा घटे पनि वीन नेपाल लघुवित्त र कर्पोरेट डेभलपमेन्ट बैंकका लगानीकर्ताहरुले क्रमशः ९.९८ र ९.८२ प्रतिशतले नाफा कमाए ।
त्यस्तै ङादी पावरका लगानीकर्ताहरुले सबैभन्दा बढी ९.२० प्रतिशतले घाटा व्यहोरे ।
आज हिमालयन रि को उच्च कारोबार भयो । उक्त कम्पनीको २२ करोड ३ लाख ६७ हजार ८ सय ५९.५० रुपियाँ बराबरको कारोबार भएको नेप्सेले जनाएको छ ।
साताको पहिलो दिन हिजो ४७.४४ अंकले बजार घट्दा ८ अर्ब १८ करोड २ लाख ६२ हजार ५ सय ७२.१२ रुपियाँ बराबरको कारोबार भएको थियो ।
