बुधबार २८ कात्तिक, २०८१ | Wednesday Nov 13, 2024
काठमाडौं । यती एअरलाइन्सले भोलि मंगलबारदेखि भैरहवा–पोखरा उडान सुरु गर्ने भएको छ ।
यात्रुहरुले यती एअरलाइन्सबाट २ हजार ५०० रुपियाँमा भैरहवा–पोखरा उडान गर्न पाउने भएको छ । यती एयरलाइन्सले दैनिक रुपमा भैरहवा–पोखरा–भैरहवा उडान सुरु गर्न लागेको हो ।
भैरहवा–पोखराको उडान समय ११ः०५ बजे र पोखरा–भैरहवाको उडान समय ११ः४५ बजे रहेको छ । हाललाई एकतर्फी हवाई भाडा रु. २५०० कायम गरिएको कम्पनीले जनाएको छ ।
गौतमबुद्ध अन्तर्राष्ट्रिय विमानस्थलमा यात्रुहरुको संख्या वृद्धि गर्न टेवा पुर्याउने उद्देश्यले भैरहवा–पोखरा प्रत्यक्ष उडान सुरु गरेको कम्पनीद्वारा प्रकाशित विज्ञप्तिमा उल्लेख छ ।
